FAHAD Pre-Diet Cleansing

صراحه  اعشق بلوق هالانسان .. ما شاء الله عليه الله يتمم عليه على طول متطور وفيه كل شي يصلح للرجيم والنظام الطبيعي الافضل… قريت عنده من فتره عن نظام لمده اسبوعين الهدف منه تهيئة الجسم للرجيم والتخلص من المسببات اللي تعيق نزول الوزن.. اليوم الثالث لي فيه وحاسه بالراحه حتى اﻻن ، ان شاء الله بنزل يومياتي فيه اليوم

التفاصيل تلقونها هني

http://www.tryingtobefahad.com/2011/09/pre-diet-cleansing

نتايج هالنظام حلوه منها بتحسون بصفاء الذهن  ، سرعه البديهه ، الحيويه بالاضافه الى انخفاض معدلات الدهون بالجسم  و السكر والضغط ..الخ

هالنظام ماله جدول مثل اي نظام ثاني بس فيه اشياء ممنوعه واشياء مرغوبه كل اللي لازم تعرفونه انكم لازم تشربون معدلات ماي وايد .. والنقطه اﻻهم اﻻعتدال باﻻكل   وان الوقت بين الوجيه والثانيه بما فيهاالسناك لازم يكون 5 ساعات

الحين ندخل بالمسموحات :

• السمج

• البيض .. المفضل يكون عضوي او مدعم بالاوميغا 3

• البقول والحبوب

• محلي ستيفيا Stevia فقط واي نوع ثاني غير مسموح (( لانه محلي طبيعي مو صناعي ))

• الفواكه .. ويفضل الكيوي والاناناس والبابايا والغريب فروت و جميع انواع التوت والفراوله

• جميع انواع الخضار… بما فيها البطاطا والبطاطا الحلوة 

• الرز البسمتي  من النوع العضوي

• جميع انواع الشاي .. الاخضر والابيض والاحمر وشاي الاعشاب

• القهوة العضويه .. نسكافيه و 3 في 1  والفرابيتشينو وطقتهم Iغير مسموح

• العسل الطبيعي

• مقدار الزيت اقل ما يمكن .. م ك زبده او 2 م ك زيت زيتون ومن اللوز او الجوز

• البهارات 

• الماي ضروري

الممنوعات :

• اللحوم الحمره والدواجن بجميع انواعها

• اللحوم المصنعه ( مثل الهوت دوغ والمرتديلا والسلامي … الخ )

• منتجات الالبان عدا الروب او الزبادي خالي الدسم ( الروب المجمد او الفرويو غير مسموح )

• المكسرات عدا اللوز والجوز غير المحمص

• جميع انواع الخبز بما فيه ” الخالي من الجلوتين”

• السكر

• الملح عدا الملح البحري و losalt

• المشروبات الغازية

• الاطعمه المصنعه والمكرره

• التوابل مثل الكتشب والمايونيز والمخللات .. الخ

• العصير