افكار للريوق من غير حرمان

قياسي

البان كيك او الوافلز من انواع الريوق المحببه وتطلعنا من نمط الرجيم  وخياراتي بتكون ببعض المنتجات المثلجه كونها توفر الوقت خصوصا بايام العمل … الفكره نفسها ممكن تسونها بالبيت اذا ما تحبون الاكل مثلج وتوزعونه بحصص فرديه وتثلجونه وحزه الاكل حطوه بالتوستر او المايكرويف

كل الريوق اللي بحطه الحين 300 سعره او اقل حسب نوع السيرب المستخدم او الاضافات

نحسب حساب ان هالاكل عاده عالي  بالسعرات فعشان ننعم بالاكل لازم نقلل الكميات عشان جذي انا مستخدمه الحجم الميني .. اولا الكميه تحسنني اني ماكله وايد .. ثانيه اقدر اضاعف الكميه اذا ما شبعت او اذا غداي او عشاي بيكون خفيف … ثالثا الشكل حلو ومعروف العين تشبع

اول ماركه : aunt jemima

منتجاتهم متوفره بمركز سلطان وهالحجم  الحصه فيه 10 حبات وسعراتها 240  ( انا افضل استخدم 5 حبات مع ميبل سيرب او اي سيرب لايت ) او سكر ستيفيا مع بيض او تيركي بيكون  وفواكه

با كيك

الماركه الثانيه : kellogg’s eggo mini waffles

واكو منه نوعين اما بالنكهه الاعتياديه او بالقرفه ( الدارسين  ) .. حجم الحصه بالعلبه 12 حبه صغيره او 3 مربعات وسعراتها 260  ( افضل استخدم 5 او 6 حبات ) مع فواكه او سكر بودر او مع جبن تشيدر او ايدام لذيذه ومشبعه

وافلز

جولة تسوقية

قياسي
عشبة المعجزه
الاسبغول او عشبة المعجزه .. تكلمت عن تجربتي معاها وهالمره اشتريت الاكياس الفرديه كل كيس لاستخدام مره وحده وعملي للدوام او للسفر
ارض الطبيعة
مكعبات خضار عضويه من غير الاجيناموتو المتواجد بماجي وكنور سعره بحدود دينار متواجد ببعض الجمعيات ومحلات ارض الطبيعه
سوبر فود
شوفان فوري بالنكهات والمكونات كلها طبيبيعه ومن غير مواد حافظه وسكر و صويا … الخ ( فقط اضافه ماي او حليب بحجم الاستكانه ويخلط ويؤكل والقفشه موجوده دتخل العلبه ) وسعره 1750 متوافر ببعض الجمعيات او عن طريق خدمه التوصيل
مركز سلطان
من مركز سلطان .. كنت جابه اجرب فواكه فاخذت اكي دنيا و تين شوكي ( حبيت الاول بس الثاني مو وايد ) .. تمر مجدول ( بين التمر الخضري والسكري ) … من دايت سنتر برازق قليله السعرات ( الحبه اقل من 100 سعره حراريه) … جبن ايدام صغير الحبه فيها تقريبا 100 سعره حراريه… شاي اخضر البلوبري خالي من الكفايين … روب يوناني قليل الدسم مع اضافات تكون معزوله بحافظه عشان تحافظ على قرمشتها

مخبز التين والزيتون

قياسي

خبز التين والزيتون

هالخبز وايد عجبني اولا لانه مخبوز من القمح الكامل

ثانيا الخميره اللي فيه خميره طبيعيه بالتالي فتره التخمير الطويله تكسر الجلوتين بالقمح وما تسبب باحساس عدم ارتياح بالمعده

ثالثا وهو الاهم طعمها حلو ومشبع

الفكره اللي تقوم عليها هالمخبز ( وهو مخبز منزلي يعتمد على مبدا التوصيل ) ان كل يوم الاسبوع مخصص ل 3 انواع خبز معينه .. الخبزه صحيه وفيها حوالي 170 كالوري حسب الاضافات المستخدمه

انا جربت كذا نوع وما حسيت بفرق يذكر بالطعم …سعره 3 حبات خبز بدينار واذا كان ساده 4 حبات بدينار

اقل كميه للطلب 5 دنانير والتوصيل ياخذ من دينار الى دينارين حسب المنطقه …رقمهم 25323417

موقعهم بانستقرام : figsoliveskw

مقتطفات من يومياتي الاسبوع اللي طاف

قياسي

الحمدالله على الصحه والعافيه هذا اهم شي .. الحين مع عصر الانستقرام والتويتر صار كل شي سهل بكل مجال ( اقصد الحصول على المعلومه ) ولكن بنفس الوقت اختلط الغث بالسمين .. ناس فاهمه وناس بتسوي روحها فاهمه وناس مو فاهمه وهلم جرا … النصايح او المعلومات الموجوده مو كلها صح ولا كلها سليم انصحكم تتحرون الدقه ولا تصدقون كل اللي ينكتب … تعلمت هالشي بعد ما دفعت ثمنها غالي جدا بس ارد واقول الحمدالله على كل حال والخيره فيما اختاره الله … ما كنت حاطه ببالي برد اكتب هني فما كنت مصوره يومياتي بالترتيب ومضبطتها .. يمكن اكاونتي بانستقرام مفصل اكثر بس ان شاء الله بالايام اليايه اكون مفصله ومنظمه اكثر للفايده العامه

وعندي جم وصفه صحيه لذيذه وجم منتج وبرودكت ابي اكتب عنه ريفيو … انتظروني

 

* الرياضه :

متفاوته في يوم العب بين نص ساعه او اكثر حسب الوقت.. الرياضه المستخدمه حاليا تمارين اخذها من مدرب رياضي متابعته باستقرام + تمارين biggest loser بجهاز الوي

تمارين منزليه جابر فتنس

* الوجبات

#الريوق  والغدا والعشا مع السناك: بترتيب عشوائي

كانت عندنا ورشه عمل بالشيراتون وكنا حيل تعبانين ... هذا اللي قدرت اكله واكان الكرواسون لذيذ جدا

كانت عندنا ورشه عمل بالشيراتون وكنا حيل تعبانين … هذا اللي قدرت اكله واكان الكرواسون لذيذ جدا

خليط اجبان مع خضار وصمون .. كانت عندنا عزيمه ريوق بالدوام

خليط اجبان مع خضار وصمون .. كانت عندنا عزيمه ريوق بالدوام

توست منزلي و فرازله شرايح ومربى خالي من السكر

توست منزلي و فرازله شرايح ومربى خالي من السكر

هذا ريوقي امس .. معجنات منزليه وسناكاتي الفواكه والكشمش

هذا ريوقي امس .. معجنات منزليه وسناكاتي الفواكه والكشمش

ريوقي + السناك : جبنه قليله السم منثور عليها حبوب الشيا معاها مكسرات منقوعه مثل الجوز واللوز والخضار ومعاهم توست اسمر هوم ميد والسناك فواكه مشكله ومربى

ريوقي + السناك : جبنه قليله السم منثور عليها حبوب الشيا معاها مكسرات منقوعه مثل الجوز واللوز والخضار ومعاهم توست اسمر هوم ميد والسناك فواكه مشكله ومربى

خلطه خضار ورقيه ( سبانخ وكزبره وبقدونس ونعناع وزعتر مع بصل وسماق وليمون )محموسه لذيذه مع خضار وجبن وجوز وخبز شعير

خلطه خضار ورقيه ( سبانخ وكزبره وبقدونس ونعناع وزعتر مع بصل وسماق وليمون )محموسه لذيذه مع خضار وجبن وجوز وخبز شعير

 

شوربه دياي بالشعريه

شوربه دياي بالشعريه

برقر هوم ميد مع شرايح البصل والطماط المشوي لذيييذ

برقر هوم ميد مع شرايح البصل والطماط المشوي لذيييذ

مجبوس دياي مع الحشو يم يم

مجبوس دياي مع الحشو يم يم

سناك لذيذ قهوه و قطعه من مفن بلوبيري

سناك لذيذ قهوه و قطعه من مفن بلوبيري

رول دجاج مع سلطه .. هذا غداي بالامس

رول دجاج مع سلطه .. هذا غداي بالامس

شيش طاووق ترف ولذيذ طالبينه من بره اكلت معاه صلصه روب بالنعناع

شيش طاووق ترف ولذيذ طالبينه من بره اكلت معاه صلصه روب بالنعناع

 

*حكمه اليوم :

Now be silent. Let the One who creates words speak. He made the door, He made the lock, He also made the key