ثاني مشاكل الرجيم…

قياسي

ثاني مشكله تواجه اغلبنا بالرجيم  الا وهي الامساك  ( عزكم الله  ) …. وطبعا المشكله الاولى الملل والاستسلام للاغراءات مني ومناك لووول

انا مو خبيره  بهالموضوع بس اتوقع بسبب قله الالياف والدهون

الحلول من وجهه نظري وكلها تعطي مفعول

  • الرياضه… سبحان الله والمشي بالذات له مفعول السحر

  • الفواكه مثل التفاح او التين او العنب .. او الفواكه المجففه مثل المشمش والتين والقمردين … ممكن تسون لكم خشاف وتاكلون طاسه صغيره منها الفايده الغذائيه ومنها حل المشكله

  • الماي الدافي على الريج .. كوبين ماي دافي ولا تاكلون بعدها شي لمده ساعتين

  • الكورن فليكس بالالياف … سواء كان فيتنس او ويتابكس صدقوني عجيب

  • عشبه الاسباغول او القطونا او عشبه المعجزه كلها نفس الاسم حق نفس العشبه وهي عباره عن الياف بالنهايه

  • شاي العشرج … ما انصح فيه وايد بس مفعوله قوي وطريقته سهله قفشه كبيره منه على كوب ماي دافي وتركوها ربع ساعه وبعدين شربوها باليل قبل النوم

  • حبوب فام لاكس .. واتوقع انها حبوب عشرج مضغوطه  ومفعولها وايد وايد قوي  نص حبه تكفي وعيبها تييب مغص

  • الحل الاخير بوجهه نظري استخدام مسهل سواء شراب او حبوب

مثل ما قلت هذي النصايح من تجربتي وكلها فادت معاي … للمزيد  الوصفات لقيت خوش موضوع بموقع طبيبك

http://www.tabeebek.com/2010/11/blog-post_24.html

6 responses »

  1. أنا عكس الناس كنت دايم أحس بإمساك قبل الحمية أما بعدها بالعكس لأني صرت أشرب ماي كفاية وأتحرك وأسوي رياضة قد ما أقدر وآكل فاكهة وألياف

    • ما شاء الله عليج
      الله يتمم عليج
      حلو انج تكونين ماشيه صح وتتفادين هالاشياء الغير مرغوبه

      الله يوفقج حبيبتي

  2. غريبة يضربج إمساك، مع إنه يوم تبدلين أكلج لأكل صحي أحس بالعكس تخف حتى الغازات ..

    بس وفي تبين الإمساك يختفي في نفس اليوم يا إنج تشربين عصير wheatgrass بتشوفينه عند مال عصاير
    أو إنج تشربين حليب النوق نتيجة فورية هههههههه ..
    الخبز الأسمر بعد يخفف من الألياف و في أنواع من الخبز الأسمر مكتوب عليه خبز الألياف هذا وايد يساعد و كورن فلكس و عصير برتقال بعد يساعد

    • اعترف اني عكس الناس بهالمشكله هههه
      كنت اعتقد ان الكل نفسي
      انا ناطره بوست فوائد الويت غراس اللي قلتي بتكتبين عنه
      مادري وين ينباع بالضبط هني بس بحاول ادور وصفه اسويها بالبيت
      حليب النوق هم صعب ان يتوفر هني الا اذا رحت المزارع يمكن هههه
      مشكووره حبيبتي على الاضافات القيمه ان شاء الله بجربهم كلهم :****

  3. إن اء الله بكتب عن الويت جراس، لأني أقرا الكتاب الحين، من أخلص منه أو على الأقل النص بكتبلكم ..

    و تدرين و الحلو فيه يقوليج اللي يبا يمتن يشربه و اللي يبا يضعف بعد يشربه واايد مفيد ..

    إن شاء الله جريب بكتب عنه، و دوم أدور في التدوينه و أبا أرد لكن أكون مشغولة، إن شاء الله بفضى و برد عليج، عندي كذا سؤال ..

    • حياج الله حبيبتي والمدونه مدونتج حياج الله فيها باي وقت
      وناطره البوست ان شاء الله
      لاني مستفيده من بوستج وافكاره كثير :>

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s