يوميات المرحله الثالثه من الرجيم…رجيم عبدالله المطوع ( الجزء الاول )

قياسي

اعترف اني لعبت هالويكند بس بعد ما شفت تعليق حبيبتي رنيم ضبطت روحي

مشكلتي مع الرجيم اني احب الاكل واحب اجرب اشياء يديده … غالبا ما اطلع وايد علشان لا استسلم للمغريات بس صدف على الحظ ان هالويكند وايد عندي طلعات وروحات مع اهلي وصديقاتي  وحاولت قد ما اقدر اني احول مكان التجمع من مطاعم وغيره الى اماكن تونس ومافيها اكل وبلعه مثل صالونات  وسبا او كولر مي ماين او بس تمشي والفكره اليايه بوديهم زومبا :>

المشكله الثانيه ان الاكل وايد مرتبط عندي بالمزاج… حزتها المخ يقفل ولا يفيد معاي لا منطق ولا غيره … بس الحمدالله اقدر امسك روحي احسن من قبل بس للحين هالمشكله محتاجه وقفه جاده وحل حقها

حكمه ارددها دايما هالمرحله:

دعاء سيدنا موسى عليه السلام  “رَبّ إِنِّي لِمَا أَنْزَلْت إِلَيَّ مِنْ خَيْر فَقِير “

اليوم الخامس : الخميس  7-4-2011

* فطوري

3 تمرات مع قلاص ماي

فطوري بعد الصلاة

كوب شوربه قرع

راب سمج  لذييذ بخبز بيت  فيه  نص فيليه جنعد مقلي ( شلت الجزء الخارجي واكلت اللي داخل ) وخلطه خضار ( لهانه وكزره وبصل ابيض مع صلصه طحينه )

ما تسحرت لان الفطور كان دسم كفايه

اليوم السادس : الجمعة  8-4-2011

* ريوقي :

خبز بيت و لبنه ونص طماطه مع حبتين زيتون

حليب حار

* الغدا

غدانا

وغداي😦 … بس ترا اكلت شوي من اليريش لاني عاده ما اقاومه وبعدين اكلت لي قطعه صغييييره من كيكه التمر ( مسويتها بسكر الرجيم )

نص سمجه فيليه جنعد مع صلصه طحينه وسلطه جرجير من غير دريسنغ وخبزه بيت سمره ( تقريبا تورتيا من غير دهن )

* العشا

باغيت اسمر ساخن ولذيذ

كروك مسيو مع سلطه خضار ( طبعا ما اكلتها كلها )

اليوم السابع : السبت 9-4-2011

* ريوقي

حليب وشاي

بان كيك الشوفان مع البلوبيري ومربى التوت من غير شكر

* الغدا

نص كوب تبوله ونص كوب مجبوس( 4 قفاش مع قطعه صغيره لحم وقطعه شلغم

* العشا

كان نص سادونيش تيركي وعصير برتقال من ستاربكس

* السحور

نص حبه اناناس وروب خالي الدسم

4 responses »

  1. والله خجلتيني >_<
    ربي يوفقنا جميعاً
    بالنسبة لي مااستخدم سكر الرجيم
    وكيكة التمر اموووت فيها بس وصفة معدلة مني
    فعلاً بالنسبة لي الفراغ والمزاج أعدائي ومخربي رجيمي
    الفراغ تغلبت عليه ولقيت لي هوايات جديدة تشغلني وتسليني وتحسسني أني انجزت شي حلو
    أما المزاج المفروض ألاقي لي شي اسويه بدل الاكل والله انه مو حل
    تدري احس اهم شي مصارحة الذات لانها اول خطوة للاصلاح
    والله يعين 

    • اميييييين يا رب

      انا بعد احب كيك التمر وايد ويذكرني بطفولتي … ومنكم نستفيد شلون تسوين كيك التمر خل نتعلم منج :>

      بالنسبه لسكر الرجيم انا سخصيا ما استخدمه بس اذا بسوي كيك عشان اقلل من مقدار الكالوريز واللي استخدمهم 3 انواع رح انزل عنهم بوست ان شاء الله
      الشق الثاني من مشاركتج يثير الشجون
      الله يعيننا على المزاج وان شاء الله نقدر نتحكم فيه
      ومبروك انج قدرتي تحلين مشكله الفراغ وحلو انج تتعلمين هوايات يديده
      اتمنى لج كل التوفيق :**

  2. هلا ،،
    ماشا الله عليج اليوم طحت ع البلوق بالصدفه طريقتج روعه والصبر احلى شي ،،

    انا بعدني ف بداية مشواري واتمنى ربنا يثبتنا كلنا ويرزقنا الصحه والرشاقه

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s