ME START AGAIN

قياسي

انا ME واعترف وانا بكامل قواي العقليه مدى التخبيص والترقيع والتلويث اللي مارسته بالايام السابقه وادت الى زياده وزني الى 90.3

وبناء عليه باذن الله ببتدي بدايه جديده مع رجيم المطوع على امل ان ينزل وزني ويودع ال90 مره ثانيه

واذا ما التزمت رح اشترك باحد شركات توصيل الوجبات واغلى نادي عشان تخلص فلوسي وما يصير عندي مجال اروح مطاعم والعب بالاكل

وقد اعذر من انذر

الله يستر بس

5 responses »

  1. وأنا أقول وين مختفية البنت
    ربي يوفقك ان شاء الله
    واهم شي عزيمتك وارادتك على التغيير قوية
    وترى إذا ما صار عندك فلوس كل شي ما راح تقدري تشتري << أساعدك =)
    والله يعينا جميعاً

    • حبيبتي انتي :****
      واتمنى لج هالدعوة الحلوة ما تقصرين حبيبتي

      امس طبقت نصايحج مع الفواكه واكلت فاكهه ما احبها بس حطيتها بشكل حلو ويمعت خواتي عشان ناكل مع بعض هههه

  2. ليش توصيل أكل و اغلى نادي ..

    إنتي عقلج حاولي تفهمينه، إنج الحين مب يالسة تسوين رجيم، فهمي عقلج إنه هذا روتين حياة يديد.. إنتي ما بتيوعين و لا حرمان، لكن أنا قد ما أقدر بحاول أنظف جسمي من السموم، و من الدهون، نحنا مشكلتنا ما نعرف إنخاطب العقل، ما أقولج إني أنا ما أغلط ..

    أنا أغلط و أتنح بعد، و ساعات أستغرب من عمري كيف يوم آكل شهيتي مفتوحة على كل شي و تشوفيني آكل كل شي، نحنا بشر لازم تينا هالحالات، و لا تنسين، جسمنا تعود على هالشي، يعني مثل اللي ياخذ مخدرات ساعات لو يقطعه و يودره لكن يشتهييه، و الشاطر اللي يقول لا و منهم يقول بس شمه، و نحنا نقول بس شويه، و من الشويه تستوي هالقد ..

    ف عشان جي أهم شي في الموضوع إنج تقنعين عقلج .. و تسويلج نظام، و تسوين رياضة و بتشوفين الفرق .. شكلي آخر شي أنا بسويلج نظام أكل هههههه

    • انا عقلي ما يفهم يبيله طق ههههههه
      لا بس انااعرف روحي مشكلتي بالطلعات والعزايم وهالاشياء ولما اكون مستفقره ما اطلع والتزم بالرجيم اكثر ههههههه

      مشكلتي اني احب الاكل … احب اذوق واجرب حتى لو طلعت مكان وطلبت شي خفيف لازم اذوق مني ومني .. ورفيجاتي واهلي يعرفون هالظبع ولازم يذوقوني من اكلهم وما احب اقول لء
      شي ثاني وانا احسه بالتربيه من كنا صغار كنا لازم نكمل الاكل اللي بالصحن ومربينا ان الاكل نعمه وحرام تنقط بالزباله فتلقائي الحين تشوفيني اكل بقايا اخواني وابوي عشان الاكل لا ينترك
      الحين الحمدالله بطلت اكل من بعد احد بس المشكله للحين اني احب اجرب واذوق .. ومثل كلامج هالشويه لو بتحسبينها بتشوفينها وايد

      الله كريم والحمدالله احنا ماشين ونجرب ونجاهد مع الرجيم … وعلى قوله القايل ان الحياه عقيده وجهاد :>
      منوره يا قمره :*

  3. ومنو قالج إني أنا ما أحب آكل و أتذوق و طلعت الربع إنتي عارفه كيف كلها أكل في أكل .. و من غير نحنا يمعاتنا خميس و معة و سبت كله أكل ..

    لكن أنا تعلمت من المجلات اللي أقراها، إنج لا تحرمين نفسج الطلعه طلعي و تذوقي و جربي ما فيها شي، لكن قبل لا تطلعين لازم تتعلمين الدرس عدل، لازم تتعلمين إدورين بديل لازم تتعلمين كيف تقرين المنيو عدل و تعرفين شو يحتوي .. ممكن أنا بثقل وجبة الغدا اليوم لكن عشاي بيكون خفيف سندويش و حليب ..

    يعني أنا بعطيج مثال، دق في راسج تبين ماكدونالدز، عندج حلين يا إنج تسيرين برجر كينج و تشترين وجبة لوفات نسيت شو إسمها على الأقل لو فاست فوق لكن الدياي مشواي يعني وايد سعرات حرارية بتكونين شاله من الوجبة، لكن إذا أصريتي على ماكدونالدز، يا إنج تاكلين هابي ميل، أو تاكلي سندويش بدون مايونيز و يفضل لو يكون مشواي بعد ..

    مثلا طلعتي مع ربعج لازم تعرفين كل شي في المنيو مثلا قائمة الشوربات، حاولي تتنقين شي تحبينه و تعرفين في نفس الوقت إنه صحي و زين لج و مايحتوي على سعرات مثل الباقين مثلا ممكن يكون شوربة كريمة بالمشروب شوربة عدس شوربة ذرة، إشطبي على طول شوربة المشروم و تنقي العدس وااايد زينه و صحية و تشبع ..
    عقب إبدي في الغداء حاولي تعرفين كل وجبه شو فيها و شو تحتوي و تعلمي تسألين الجرسون لأنه هو يعرف شو بالضبط في كل وجبة ..

    حتى السويتات، ما أقولج كليهم كل يوم، لا كل مرة في الإسبوع لكن أنا تيني ساعات حالة أحس أبا آكل ما أقدر و آقص قطعة صغير و يوم آكلها شوي شوي و ياها قهوة عشان تجعمني .. !!
    شفتي شحلات البديل و كيف تعرفين تتنقين من المنيو، و لا تسيرين وإنتي يوعانه حطي وياج شي في الشنطة تاكلينه بار جوكليت كليه قبل ب ساعة ..

    بس تدرين شو الحلو فيج، إنج مازلتي موااااااصلة و إستمري ترا هذي تجارب لج .. و بالتوفيق إن شاء الله

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s