رجيم 1500 سعره من قسم التغذيه بمستشفى الاحمدي

قياسي

هالريجيم من اخصائي التغذية هاني الحمادي اخذته من الانترنت وهو نفسه اللي كنت امشي عليه بالضبط ( طبعا من غير بيض ودياي وبقول ) … وموزع على طول اليوم وما تحسون فيه بالحرمان

الريوق 
1كوب حليب خالي الدسم
حبة فاكهه
شرايح خيار/خس /طماط /فلفل حلو
نص خبزة عادي او 2 توست او نص خبز خباز او 1 خبز خفيف
بيضة وحده او صفار بيضتين او 1م جبن قليل الدسم او 2 م لبنة خالية الدسم او 6م فول او 6 م نخي

سناك
نص كوب حليب خالي الدسم

25 غرام بسكوت او شابورة (ممكن فاكهه مع الحليب)

الغدا
60 غرام ايدام مشوي او مسلوق او مرق ( كبر حجم الكف من غير الاصابع )
كوب خضار + صحن سلطة كبير
حبه فاكهه وحده
نص علبه روب خالي الدسم او 1 كوب لبن خالي الدسم
6 م عيش مشخول او( 6 ملاعق معكرونة )او (حبه بطاطا وسط مشوية + 4 م عيش مشخول) او (نص خبزة) او (نص كوب عدس + ربع خبزة) او( نص كوب عدس + 4 م عيش )

سناك
ربع كوب حليب خالي الدسم

25 غرام بسكوت او شابورة (او فاكهه بدال الشابورة)

العشا
نفس الغدا ما عدا ثلاث ارباع كوب لبن خالي الدسم
او
نفس الريوق

*كمية الزيت المسموحة باليوم = 3 ملاعق كبيرة فقط لا غير
* 6حبات مكسرات = 1 ملعقة كبيرة زيت
*ممكن استعمال السكر المحلى الدايت من اي ماركة بدل السكرالابيض
*ممكن استبدال حبات الفاكهه بالعصير بس الالياف بالفاكهه بتكون اكثر

الحين انيي حق الكميات المسموحة للعصاير ::
نص كوب :: تفاح / برتقال / اناناس / جريب فروت
ثلث كوب:: عصير فواكهه/ عنب

الكميات المسموحه من الفواكهه ::
حبه وحده :: تفاح/كيوي /برتقال/خوخ/ موز صغير
حبتين:: مشمش فرش/ مشمش مجفف / تين طازج/ افندي / كوجه
3 حبات:: تمر/ رطب/ خلال
10 حبات :: عنب
12 حبة :: كرز
ثلث حبه:: بطيخ اصفر
نص حبه :: موزة كبيرة / جريب فروت / مانجو / عرموط
حبة و نص:: تين مجفف
نص كوب:: سلطة فواكهه بدون عصير
ثلاث ترباع كوب :: اناناس فرش
1 كوب :: بطيخ اصفر
1 كوب و ربع :: فراولة / رقي

الاطعمة المسموحة بكميات وافرة ::
جميع الخضار الورقية + جميع التوابل و الاعشاب و البهارات حتى الملح + الجاي +القهوة+ المشروبات الغازية الدايت

الاطعمة الممنوعة نهائيا ::
السكر الابيض+ العسل+ المربى + الحلويات بانواعها العربية و الغربية + الايس كريم +الكاكاو + الفواكهه المعلبة + جميع انواع المقليات + المايونيز+ الزبدة + الطحينة+ الكريمة + زيت جوز الهند +الفطاير+ الكيك+شوربة الكريمة +بسكوت بالكاكاو +المشروبات الغازية العادية +عصير الفواكهه المحلى +الحليب المركز المحلى مثل الكارنيشن

6 responses »

  1. حلو نظامه أحلى عن المطوع، أحس لو أنا أسوي نظام المطوع بتعب ..

    بس في الأطعمه الممنوع، أنا مستحيل أعيش بدون عسل، العسل وايد زين صح فيه نسبة سعرات، لكن ملعة على الصبح وايد مفيدة، و ممكن أستبدل الأيسكريم بأيسكريم الروب موجود في كل مكان، و الكاكاو بعد لكن أنا أنصح بأكل الكاكاو لكن حبة كاكاو وحده في اليوم بس يعني مثلا حبة كيتكات ..
    و على فكرة المفروض حتى الدايت يحطه من قائمة الممنوعات، ترا الدايت صح مافيه كلوري لكن نسبة سكر و فات فيه، و الدايت أخطر من البيبسي العادي .. !!

    بس أرد و أقول نظامه وايد حلو .. عجبني الصراحة أحس يشبع .. و بالذات إذا تسوين رياضة ..

    ترا أنا وايد أرمس أدري، بس لأنه أحب وايد مدونتج فأحب أناقش لأنه أحس في أشياء إنتي تسوينها غير و أنا غير و حلو أعرف نمط الناس … و تعبتج ويا تفلسيفاتي ههههههههه

    • عدل كلامج نظتم المطوع متعب شوي خاصه وانه يتغير كل اسبوعين او ثلاث اما يقل او انه يلغي منه النشويات .. ان شاء الله انزل كل انظمته بالتفصيل
      الحلو بنظامه انه ينزل وزن بسرعه … يعني مو اقل من 5 كيلو بالشهر اذا التزمت فيه

      وحبتج العافيه حبيبتي كلامج وايد يسعدني وانا بعد احب مدونتج واسفيد منها واستفيد منج ومن نصايحج :***

      بالنسبه حق قائمه الممنوعات انا مسويه نسخ حق نظامه وانا عندي بعد تحفظات على اكل الفاكهه مع الوجبه بس حطيتها مثل ماهو كاتبها للامانه ههههه

  2. في نقاط حلوة في هالنظام الواحد ممكن يتبعها كأسلوب حياة بالنسبة للعسل أنا بعد مااقدر استغني عنه بس مو ع الصبح مثل شانيل يعني مو على طول

    • مممم أهو زين ووايد يتشابه مع نظام التغذيه الرئيسي بمستشفي الصباح وان شاء الله أنزله على يوم
      أحسه يمشي على نظام حياه أكثر من انه نظام للرجيم بس

      مادري ليش مانع العسل … أنا بعد أحسه مفيد بس اعترف انه ما يدش بنظامي الغذائي إلا لمن أكون مريضه

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s