diet care… day 4

قياسي

sun :1-5-2011

اليوم الحمدالله  وزنت وطلع وزني 89.7 واستانست وايد اني نزلت وما زدت على كل هالتخربط اللي خربطته واعتقد هالشي من خل التفاح

اضطريت اكل من اكل البيت لان البوكس يوصلني وايد متاخر


my meals

منيو اليوم الثالث
طبعا الريوق والغدا يترحل لي ثاني يوم

 

مناقيش جبن بالنعناع لذيذه

 

روب خالي الدسم
فروت سلط منعشة
سلطة شمندر وبطاط ( غداي اليوم )
باستا مع سمج مشوي ( غداي اليوم )

ريوقي :

ريوقي … شابوره ولبنه مع شاي اعشاب

السناك :

اناناس فرش لذيذ

الغدا:

نص كوب مجبوس مع قفشه كبيره حشو وكبابتين صغار مشويين وسلطه

السناك الثاني:

كيكه تفاح بالكريمه عطيتها ابوي الغالي ويقول زينه

عشاي :

شوربه طماط بلسان العصفور يم يم لذيذه
سلطه خضار بالبلساميك والرمان… زينه
برغر مع بصل مكرمل والجبن… زينه اكلت نصها

حكمة اليوم

نعيب زماننا والعيب فينا وما لزماننا عيب سوانا

4 responses »

  1. ماشاء الله .. نزل يالله بالبركة و عقبال ما ينزل واحد ورا الثاني و بلا رجعة مووول ..

    و الصراحة إشتهيت الكباب اللي حطيتيه شكله لذيذ .. !! بروحكم تسوونه في البيت و لا شارتنه .. و الصراحة الأكل كله زين ..

    يالله بالتوفيق إن شاء الله دوم أوني أبا أحط و أنزل أكلي بس أتهايز .. بس تحمست أحس هالطريقة تساعد إنج تستمرين .. \

    و على فكرة إذكرتج عن خل التفاح ما توقعت هالشي مووول، و الله طلع زين عمتي من النوع اللي وايد تهتم بأكلها ف قالتلي خل التفاح و زيت زيتون و عسل على الريج قالت شو يسوي في الجسم .. و حتى قالت حديث عن الرسول عن الخل إنصدمت قلت وين نحنا عن الطب النبوي أحس وايد أشياء بنكتشفها ونحنا ما ندري ..

    • يا بعد عمري مشكووووووووره على هالدعوه وولج مثلها اميييييين

      الكباب يالغاليه لحم مفروم وبقدونس وبهار الكباب نشكله ونشويه بالصينيه بالفرن

      وناطره صور اكلاتج صدقيني وناسه وبتراقبين روحج بالاكل اكثر :>

      وسبحان الله عندنا كنز الطب النبوي واحنا اخر من يعلم ونركض ورا الاخبار الاجنبيه عاد تصدقين انا بعد تفاجات وايد بعد ما نزلت كنت متوقعه اني زايده على الاقل كيلو بس لمن شفت الميزان تاكدت من مفعوله وقررت اني ما اقطعه باذن الله

      مشكوره على الافاجه زيت الزيتون كفايه انه طالع من سجره مباركه والعسل مذكور بالقران انا بحاول ادخل ملعقه اكل صغيره من العسل على الريج بيومي عشان الفايده
      مشكوووره على النصيحه

  2. الحمدلله وعقبال الباقي وحياة صحية للأبد🙂
    وأهم شي مهما صار الاستمرار
    موفقة ياارب

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s