diet care …day 6

قياسي

امس حسيت بتعب جسمي وماكان لي خلق الاكل وطلعت بره البوكس شوي بس الحمدالله اليوم احسن وان شاء الله اصير احسن واحسن

بوقف خل التفاح هاليومين وان شاء الله ارجع له الاسبوع الياي

my meals

Tues: 3-5-2011

غداي :

سلطه خضار مع دريسنغ المسترد .. زينه
برياني ربيان .. لذييييذ ينن ما شاء الله والصلصه اللي معاه دميره … اكلت نصه وعطيت اختي الصغيره تاكل معاي

منيو اليوم الخامس :

منيو اليوم الخامس .. الريوق والغدا اكله اليوم

السناك :

المفروض يكون كيكه تفاح مع الكراميل بس اخذت بداله حسو وشاي اعشاب

حسو سويته بطريقه تصلح للرجيم هههه… وشاي اعشاب

والمفروض يكون

كيكه تفاح مع الكراميل

العشا :

ورق عنب …اكلت بس حبه وطعمه حلو
سلطه طماط مشوي .. حلوة
سمج مع الصلصه.. حلو بالضبط نفس طعم سمج امس وهم اكلت نصه

Wed: 5-4-2011

ريوقي:

ساندويش الجبن ولبنه… زوين
المفروض اشرب معاه حليب بس نسيته بالبيت

السناك :

رقي وبطيخ… بعطيها ابوي

شعار اليوم

4 responses »

  1. هلا و الله

    سلامات ما تشوووفين شر ..

    عندي سؤال، إنتي ليش ما تكملين وجبتج مثل ماهم يطرشولج إياها، تقولين جسمج تعبان يعني جسمج يحتاج أكل .. !! لاحظت هالشي عليج في أكثر من بوست .. يعني أنا ما أقولج لا تخلين حد ياكل وياج، لكن هذيل يطرشولج أكل يظعف في نفس الوقت يعطيج قوة ..و جسمج يحتاج قوة .. و إذا تحسين شهيتج مب هاك الزد لازم تشربين شي نحنا نسميه ” حلوول ” ما أعرف إذا انتو تسوونه أو لا عباره عن خلطة أعشاب تنظف الجسم، بس لا تفكرين تطلعين في اليوم اللي تشربين فيه حلووول هههه كل شوي حمام .. طول اليوم .. أو شربي أي يشي ينظف جسمج مثل لومي مع ماي حار على الريج ..

    أو إذا تحسين عادي لازم تسوين رياضة عشان تحين باليوع و تاكلين، أنا ما أبا أمتنج لكن تقولين جسمج تعبان ف جسمج محتاج تغذيه .. يبا قوة ..

    • هلا حبيبتي
      انا ما كنت اكملها لاني كنت اشبع او لانها ما تكون على ذوقي .. وبعد مراجعتي مع اخصائيه التغذيه شافو ان معدل الحرق بجسمي للاسف شويه فققلت الكالوريز حقي وبتوصله الى 1250

      بالنسبه لجسمي فالحاله تييني وايد واهي حاله مرضيه اكثر منها طاقه وقوة بالجسم … لا تحاتين حبيبتي ان شاء الله ماكو الا العافيه ومشكوووووره وايد على النصايح الذهبيه
      فدييييتج :***

  2. إنتي تشربين وايد كوفي؟؟ أو إنج تشربينه بشكل يومي .. إذا كنتي تشربين كوفي كل يوم أو نسبة الكافيين في جسمج عاليه فهذا هو السبب يمكن لأنه الحرق عندج بطئ .. أنا عرفت هالشي من ربيعتي كانت دوم تشرب بلاك كوفي و ماكانت تعرف ليش ما تضعف و كانت تسوي رجيم قاسي يعني وايد كان صعب كانت تشرب 3 مرات في اليوم أو 5 مرات في اليوم بلاك كوفي عشان يسد نفسها آخر شي قالوولها إنه الكوفي هو السبب مادري شو عمليات الأيض تأثر في الحرق و ما يحرق الجسم بسرعة ..

    بس الله يوفقج أهم شي إنج وصلتي الثمانينيات وودعتي رقم 90 … هذا أحلى إنجاز

    • صح كلامج كنت اشرب قهوه كل يوم بس الحين بخليها مره وحده بالويكند … هالمعلومه اول مره اسمع فيها مشكوووره انج بلغتيني اياها :***
      زين والشاي الاحمر والاخضر نفس الشي؟؟ لاني اشربهم بعد مرتين باليوم 😦

      والله يبارك فيج يا قمره… اي والله كانت التسعينات هم اشوه اني افتكيت منها والله لا يردها .. والفال لما افتك من الثمانينات المتوحشه هههه
      مشكوره على هالطله الحلوة والتشجيع المستمر :***

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s