كيرفز

قياسي

نظام نادي كيرفز عباره عن مجموعه من الاجهزه مصفوفه بشكل حلقه بحيث ان نمر عليها كلها بفتره لا تتعدا 30 دقيقه وبعدها نسوي ستريشنع وناخذ شور ونرد البيت
أقل شيء 3 أيام بالأسبوع وتقدرون كل يوم عادي

طريقه اللعب بالضبط بتشوفونها بهاللينك

http://www.curves.com/the-workout/circuit-demo.php

سالفه نص ساعه باليوم إهي اللي شجعتني اشترك فيها قلت أحسن من قعدتي بالبيت والمكان قريب إلحمدالله

اشتراكي 3 شهور ب 112 دينار
والاشتراك السنوي ب 310 وميزته انج تقدرين تدشين بأي فرع كيرفز بالعالم فيه وفيه فتره توقيف لمده شهر كامل
والحين فيه عرض بالاشتراك السنوي كل شخصين يدفعون قيمه اشتراك واحد🙂

اشتركت بفرع البيرق والمدربه اللي مسكتني حليوه وشرحت لي كل شيء وكله مبتسمه وأحلى شيء ان المكان كان هادي كل من بحاله وماكو زحمه

رقمهم : 23824153

موقعهم : http://www.curvesme.com

بالفيس بوك : http://www.facebook.com/group.php?gid=41132690541&v=info
بأجر أول يوم أوافيكم بانطباعي عنه

Posted with WordPress for BlackBerry.

4 responses »

    • الصراحه التمرين ممتع وامس لي ثاني يوم وحسيت بالحرق والتعب .. توقعت نص ساعه ما بتسوي شي بس اكتشفت اني غلطانه
      تحسين بكل جهاز ما شاء الله والمدربات حليوين بس وحده فيهم استغفر الله مادري شفيها

      انا ناويه انزل بوست بعد ما اكمل اسبوع اذكر المميزات والعيوب اذا في :>
      بس نصيحه اشتركي كلها نص ساعه وما تاخذ وقت :>

  1. بشترك في بيتنا ؛)
    أقرب كيرفز يبعد عن بيتنا مسيرة كم ساعة
    بس عندنا في البيت أربع أجهزة هم دراجة وسير وأوربتراك وجهاز للبطن وأثقال طبعا مااستخدم الا السير وجهاز البطن عشان كذا اقول يمكن تجربتك تلهمني
    ويارب أرجع للرياضة.. ويوفقنا جميع

    • ما شاء الله عندكم نادي مصغر استغلي هالفرصه وفضي لج ساعه باليوم تسوين فيهم رياضه بالاجهزة وكل مكان قعدي ربع ساعه صدقيني وناسه :>

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s