diet care … day 10

قياسي

امس كان اول يوم بالوجبات معدله السعرات الحراريه… امس كان اول يوم بالنادي  .. امس خربطت واكلت برغر :$

كنت طالعه مع خواتي بالافنيوز نتسوق حق مناسبه قريبه وطرا على بالي اجرب اليفيشن برغر بس كان زحمه بالمطعم ” الهبه اليديده ” لدرجه ان ماكو مكان نقعد حتى لو طلبنا فقررنا نروح جوني روكتس وللاسف خربطت واكلت من هناك برغر وسلطه على العشا وخليت عشاي بالبيت للي يحب ياكله

my exercise

النادي حليو والمدربات كلهم حليوات ما عدا وحده غثيثه حدها الله يعينها على روحها

الكلاس المفروض ياخذ مني نص ساعه بس قعدت ساعه الا ربع لاني اول مره

وما توقعته جذي وناسه  واللي حبيته اني حسيت بالتعب واني حرقت طاقه

نقول 45 دقيقه

my meals

Mon:9-5-2011

غداي :

سلطه خضار ورمان وايد حلوة
رافيولي الجبن بصلصه الفلفل الحلو… يم يم لذيذه

السناك :

تشيز كيك … شكلها روعه بس للاسف ما اكلتها

العشا :

المفروض يكون

سلطه بطاط
فاهيتا لحم

Tues: 10-5-2011

نسيت اصور ريوق اليوم كان مناقيش زعتر و سلطه فواكه وروب بالمشمش

شعار اليوم

وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ

4 responses »

    • الله يعافيج … اي وجباتهم حلوة وتترس العين
      والحمدالله ما مليت من اكلهم وهذا اهم شي :>

      شكرا على هالدعوة الحلوة الجميله شكرا :>

  1. أكلهم شكله حلو و يشبع بعد و بالعافيه عليج ..

    و زين يوم بديت الجيم .. الرياضة بعدين بتحسين إنها شرات الأوكسجين، إذا ما سرتي يوم واحد تمرضين .. أتعب صدق يوم ما أسير النادي ..

    و أي كلاس هذا اللي دخلتيه؟؟

    • اي ما شاء الله اكلهم حلو ومتنوع وان شاء الله اشوف فيه الفايده ان شاء الله :>
      الله يبشرج بالخير :>

      هالنادي ميزته انه نص ساعه باليوم بس وقريب من بيتنا ماياخذ مني ساعه التمرين والمشوار
      اسم النادي كيرفز وهو عباره عن 12 جهاز الف عليهم مرتين فيهم 24 دقيقه و 6 دقايق ستريشنغ …كتبت بوست عنه اذا تحبين تقرين عنه
      هذا انا حاطته مؤقت 3 شهور واذا ان شاء الله رديت من السفر انا اغيره او استمر عليه :>
      لاني كنت مشتركه بنادي فت عندنا بمنطقه اسمها الدسمه وكان النادي مريح والمدربات زينين وكنت اغلب الوقت بالمسبح اسوي اكوا و العب بالكلاسات والاجهزة .. مشكله النادي انه بعيد عن بيتنا.. يعني اذا رديت اتغدا اتكسل اروح بسبه المشوار واذا طلعت بعد الدوام ورحت اموت من اليوع ماقدر

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s