تجربتي مع دايت كير

قياسي

كنت مشتركه مع دايت كير اشتراك بروجرس ( ايام الاسبوع من غير ويكند ) لمده 20 يوم … سعره 175 + فتح ملف لاول مره 25 = 200 دينار

اشتركت من فرع البيرق وطلبت مراجعاتي تكون بفرعهم بشرق … سعرهم يشمل كشف بالجهاز لمعرفه نسبه الدهون والعضل ويطلع لهم الجسم شكثر يحرق باليوم بالاضافه الى 3 مراجعات مع اخضائية التغذية

اخصائيتي نور العوضي وهالاخصائيه تينن وايد حبابه و عندها اطلاع ما شاء الله … اشجع اي احد يشترك بدايت كير يروح عندها

للاسف تجربتي معاهم ما اعتبرها ناجح 100% لان معدل النزول وياهم كان بس 2 كيلو 😦 والنزول طلع اول اسبوع فقط باجي مراجعاتي الوزن كان كله ثابت

بس هذا مو مقياس لان احتمال العضل قاعد يبتني بجسمي وعشان جذي الوزن ما يفرق وشجعتني اني  ارد اشترك مره ثانيه اشتراك نوع ثاني ولمده اسبوعين وبفكر فيه

قبل لا ابتدي اتكلم عن المميزات والعيوب… هذا رقمهم 1806050 وعندهم سايت بس مو مفعل للحين

* المميزات :

  • بالهم وسيع وبين فتره وفتره يدقون يتطمنون ان كل شي اوكي

  • اطباقهم الرئيسيه لذيذه وراهيه ومجال التنويع كبير 

  • اخصائيتي تينن وتتعامل معاج جنج رفيجتها

* العيوب :

  • التوصيل كان مشكله بالنسبه لي كان يوصل بال4-6 بس بعدين مع الحنه واختي تهاوشت معاهم يالله تسنعو

  • سلطاتهم مو حلوة

  • يمكن من الضغط بس يلخبطون بالاكل اكثر من مره ونفس الشي اختي نطلب منهم شي ما ييبونه ييبونه يومين ورا بعض جنه عناد

  • المواعيد متاخره شوي

  • بالنسبه لي معدل النزول ما يسوا

5 responses »

  1. إنتي يمكن كنتي تحتاجين تسوين رياضة، و حتى لو سويتي ممكن ماتزلين بسبب العضلة ..

    بس الحمد الله شوفي البنطلون قبل و بعد في تطور ماشاء الله .. و إستمري بتلاحظين الفرق ..

  2. السلام عليكم
    أنا توني هالاسبوع بادية معاهم ..
    بس ما عرفت طريقة الاكل ..
    يعني أنا مشتركة غدا و عشا ووجبتين خفاف ..
    متى آكل .؟
    يعني كل يوم اييبون .. : سلطة غدا – شوربة – وجبة رئيسية
    كيكة
    سلطة عشا – وجبة عشا – وشي خفيف

    ملوت الغدا اكلهم كلهم مره وحده ؟
    ولا اقسم الوجبات على دفعات ؟
    و مشكووره

    • اكلي السلطه والطبق الرئيسي وعقب ساعه او ساعتين اكلي الحلو ونفس الشي بالعشا خلي الفاكهه او الشوربه اخر شي اذا ما شبعتي :>

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s