review: ME in pizza rustica

قياسي

قبل جم يوم رحت مع خواتي هالمطعم على العشا… اختي مجربته من قبل ومدحته وقلت يالله …حبيت المكان والخدمه عندهم وايد حلوة وسريعه والاهم ان كل من يضحك

اول ما دشيت وشفت ماكو الا احنا وعايله قلت بقلبي شهالمطب شكله موحلو بس لما ذقت البيتزا حبيتها

البيتوا عجينتها رقيقه وخفيفه  بس بنفس الوقت مو مثل البسكوت وشايله المكونات عدل … ما شاء الله انواع البيتزا عندهم وايد

طلبنا كان :

سلطه كابيريزي… حلوة وراهيه والجبن اللي فيها لذيذ .. حبيتها
لازم بطاط مقلي … وطعمه مثل اي فرايز لوووول
كيدز ميل… ما شاء الله راهي جدا جدا .. خواتي كلو منه ومدحوه
بيتزا مشروم … لذيذه وخفيفه
بيتوا خرشوف وطماط مجفف .. اختي وايد حبتها وتقول الطماط معطيها نكهه حلوة
بيتزا 4 انواع… حلوة للمشاركه وما تزعل احد هههه فيها تيركي وسلامي ومشروم وخرشوف .. حلوة انصحكم فيها

المشروبات  طبعا ماي والباجي نسيت اصورها بس كانت عباره عن مشروبات غازيه

تقييمي للمطعم : 4.5/5

* الخدمه سريعه والستاف خدومين

* الاكل حلو

مادري جم السعر لان اختي اللي دفعت🙂

ملحوظه : انا كنت ماشيه بالسليم اكلت سلايس بيتزا ونص السلطه🙂

2 responses »

  1. إستانسي في التخبيص الحين .. ورا باجر بتستوين فيجيتيريان .. ههههه و لازم تسألين عن كل شي تاكلينه حتى البيزا إذا ضايفين حليب أو زبد بدال الزيت .. !!! عندج اليوم و باجر بس ههههه

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s