يوميات الجزء الثاني من رجيم المطوع

قياسي

للاسف ما استمريت على النظام 100% بس ما احس ان الخسائر جسيمه هههه

كل يوم اشرب شاي ابيض وخل تفاح مع الماي ورا الوجبه وان شاء الله استمر عليهم عدل الى نهايه الشهر

وحاسه بالفرق والناس اللي حواليني ماكدين لي التغير بالوزن وهذا معطيني الدافع القوي اني استمر على نفس النظام والله يسهل يا رب وننزل كلنا بصحه وعافيه

امس لاول مره من عشر سنوات ادش محل توب شوب واحصل لي لبس مقاسي… كنت مستانسه من التجربه وايد وايد وحسيت ان الامل موجود وماكو شي بعيد على الله بتحقيق الهدف

سفرتي باذن الله بتكون اخر الشهر … باخذ معاي جوتي رياضه وبشتري لي ابي بود عشان امشي وما اسمن وانا هناك وبنفس الوقت اخذت لي موعد عند بدر النصرالله عشان بعد رمضان اراجع عنده

my exercise

مشي بالمجمع متواصل لمده ساعه تقريبا  >>> ما تعتبر رياضه بس هذي كانت حركتي

my meals

ريوقي:

خبز اسمر خفيف محشي حبن وطماط مع شاي

السناك الاول :

3 تمرات مع شاي ابيض

الغدا :

 قررت يكون اليوم الخالي من الكربوهيدرات

سويت لي سلطه كباب سميتها كبوله ههه يعني تبوله وكباب مشوي … عباره عن جرجير ونعناع وبقدونس وطماط وفجل وكباب مشوي مع ملح وليمون وزيت زيتون وكانت لذيذه ومشبعة

السناك الثاني :

كيت كات صغير

العشا :

احم احم اعترف اني خربطت فيه

اكلت بيتزا مشروم وبيتزا النوتيلا

نص بيتزا مشروم من سولو بيتزا
نوتيلا يم يم كانت لذيذه .. اكلت منها حبتين

اليوم … ريوقي كان :

قطعه صغيره من كالزوني بيتزا محشيه جبن وطماط ومشروم يم يم

السناك :

تمر ..5 حبات
شاي اعشاب

شعار اليوم

على قدر أهل العزم تأتي العزائم ۞  وتـأتـي على قدر الكريم الكرائم
وتكبر في عين الصغير صغارها  ۞ وتصغر في عين العظيم العظائم

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s