ME بربوع لبنان

قياسي

من وطن الخضره والهوا العليل والاكل الطيب أكلمكم
ههههه
إشتقلكم وتمنيتكم وياي اعترف بالبدايه كنت أتمنى أرد الكويت على طول بس بعد ما نظف البيت واستقرينا تآلفت مع المكان واستعدت ذكريات الطفوله

بالنسبه للالتزام بالدايت فهو للأسف ضعيف بس بنفس الوقت ما أكل بكميات مهوله … أكلهم هني ما شاء الله طيب وفرش وتحطينا مزارع محمله بأشهى الخضار والفواكه وماي النبع قريب منا … سبحان الله أبدع المكان باحلى صوره
أن شاء الله أنزل بوست بعدين أعرفكم على حديقتنا بس حاليا رح أنزل يومياتي
الحركه بركه وقاعده أحاول اتحرك لو ربع ساعه باليوم
الأكل مممم مثل ما قلت لكم مو مخليه بقلبي شيء بس بالمعقول
حاليا مو قاعده أمشي على رجيم معين

ريوقي اليوم كان
طماط جبلي عليه رشه سماق وليمون مع زعتر أخضر ونعناع وخيار ولبنه وزيتون وخبز مع شاي أخضر

Posted with WordPress for BlackBerry.

6 responses »

  1. واو ماشاء الله مبين من كلماتك الجو الحلو
    وان شاء الله هالسفرة الحلوة تشحنك وتعطيك طاقة
    ويبيلك بس شوية حركة وشوية التزام عشان لاتنسي هدفك
    وبالتوفيق ياارب
    ودوم هالأجواء النفسية الرايقة🙂
    وترجعي بالسلامة حبيبتي

    • حبيبتي مشكووووووووووره ما تخيلين شكثر استأنست من كلامج :*
      وان شاء الله من اليوم بإذن الله يعني رح أجابل إكلي أكثر واستغل الجو بالحركه

      تسلمين لي على هالدعوه الحلوة ولج مثلها حبيبتي وجمعه مباركه :*

  2. محلات لبنان و جو لبنان و أكلهم، أنا بقلج شي على الأقل في لبنان أكلهم أورجانيك نظيف حلو، صدق تحسين إنج تاكلين شي، و بالذات الفواكة و الخضرة تاكلينها بكثرة هنالك، و حاولي تاكلين الفواكة و الخضرة وايد هنالك ..

    و ثاني شي في السفر المشي وايد، و إستغلي الفرصة و إنتي في لبنان و نشي من الصبح و إمشي وااايد ..

    و أتمنالج رحلة سعيدة

    • هلا بالغاليه ومشكوره على هالنصايح المفيده … كلامج عدل خضرتهم والفاكهه فريش وحسب الموسم … ما تخيلين شلون الكرز والمشمش طعمه مثل العسل والخضار شاتره تكون مقطوفه الصبح وتنباع خلال ساعات بس

      بحاول أزيد الحركه لأن الجو حلو ويشجع على هالشي🙂

      ومشكووووره

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s