سؤال رجيمي مهم

قياسي

للحين مو مستوعبة انه مرت ثلاث أسابيع على آخر تدوينة تخص نظامي الغذائي للعطلة 
كثير أشياء غير متوقعة صارت في هالثلاث أسابيع وأنا للحين ما اقدر اسيطر على بعض عاداتي الخاطئة لما أكون متوترة أو زعلانة رغم انه مر على بدايتي الثانية في هالمشوار سنة وثلاث أشهر
في أول أربع أشهر نقصت ١٢ كيلو وصادفني رمضان وما قدرت أنتظم فيه بالرياضة ولا الوجبات فزدت كيلوين وظليت في حرب معاهم حتى نقصتهم ومعاهم كيلو وظليت في تذبذب بين النظام وعدمه لكن كنت محافظة على وزني حتى عزمت ونقصت كيلوين فوقهم
وبعدها توظفت وزدت الكيلوين والحين جاي رمضان وزني مثل وزني رمضان اللي فات وماودي أستمر على الوضع أريد أتغير

سؤال..
كيف تقدرون تسيطرون على عاداتكم الغذائية وقت القهر والزعل والتوتر؟
لا أحد يقولي اطلعي تمشي شمي هوا.. ودي بس مو بيدي

7 responses »

  1. اول شي انسي انك عم تعملي ريجيم.تاني شي كلي الي بدك ياه بلوقت الي بدك ياه بس بكميات قليله.اهم شي دلعي نفسك وخاصه وقت تكوني مدايقه شوفي اصحابك انزلي عسوق شوفي فيلم المفضل

    • هلا بك عزيزتي
      حلو كلامك
      وخاصة.. دلعي نفسك
      يعني مو بس وقت أكون رايقة أدلع نفسي لكن وقت أكون متضايقة أدلع نفسي عشان أروق🙂
      نورتي وشكرا🙂

  2. الاكل راح يخليج مو حلوه امتن واجكر الوزن الزايد بحد ذاته راح ايب القهر والزعل والتوتر

    لا تشوفين الوجبة الحلوة كشي ممتع شوفيها شي بيب الكرش يمتن يهخلي ثانين احلى منج

    الاكل هو العدو

    • امبيييييه الرد ييب الاحباط

      الاكل مو العدو .. بالعكس مانقدر نعيش من غير الاكل
      العادات الغذائية الغلط اهي اللي تسبب السمنه
      الله يهداك حبطت البنيه

      • ههههه لا والله عادي حبيبتي ميمي أصلاً لما قريت الرد ضحكت
        لكن تصدقي عمري مافكرت هالتفكير
        حاولت أطبق هالفكرة على حلى طبقات طلعت فيه بحقد لانه شرير ونتيجته مو زينة وقفلت باب الثلاجة بقوة🙂
        أتوقع بتفيدني هالفكرة في التعامل مع الاكلات ذات الكلوريات العالية والقيمة الغذائية المنخفضة
        وأقسّم الاكل لأصدقاء وأعداء

  3. لا تضيقين خلقج ولا تفكرين بهالطريقه المهم انج نزلتي الوزن ولا تقارنين بين سنه كامله قارني التقدم اللي قاعد يصير وبعدين معروف لان برمضان فترات الاكل تقل فعملية الحرق تقل

    بالنسبه لتاثير العواطف على الاكل احاول اني ماقرب للمطبخ وحتى لو باكل لازم اكو فواكه او شي فيد اقدر اكله بدال الخرابيط.. حطي اشاره على الثلاجه عشان تنبهج وتخليج توجهين الطاقه الانفعاليه صوب ثاني
    واذا خربطتي ماكو الا تزيدين حركتج عندج اجهزة لعبي فيها اكثر او حطي اغاني وقعدي رقصي ههههه والله شكثر اسويها مع خواتي واحس الطاقه السلبيه اللي فيني تطلع
    ساعات احط اغاني كراميش مالت اليهال واقعد اقلدهم او اي اغنيه فيلم هندي
    اسوي حق روحي اكشن ههههه

    نزلي يومياتج كل اسبوع حتى لو مخربطه عشان تعطيج دفعه وتشوفين وين الغلط وتصلحينه
    ادري اللي تنصحج مو كامله ( ولا كامل غير ويه الله سبحانه وتعالى ) بس جربي ويمكن تنفعج واحنا نحاول

    • مشكووووووورة حببتي ع النصايح الحلوة :***********************
      وبديت أطبقها وان شاء الله تتحول مع الأيام لعادات
      وبالعكس أنا محتاجة لكل فكرة
      وانتي مو بس تعطيني أفكار إلا تشجيع بعد ماانحرم منه ان شاء الله
      وان شاء الله بحط تدوينة كل أسبوع
      والله يوفقنا جميع ياارب

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s