FAHAD Pre-Diet Cleansing.. days 1,2,3,4,5

قياسي

هالرجيم مدته اسبوعين الهدف منه تعويد الجسم على الرجيم و تنظيف المواد الحافظه من الجسم عشان تسهل عمليه الاستمرار بالريجيم

ليش توني الحين اسويه؟؟

مادري بس قلت يمكن اذا سويتها يعطيني حماس اني اكمل رجيمي ويمكن هذا اللي محتاجه جسمي .. اني اعود لساني على النكهات الطبيعيه للاطعمه وابتعد عن المواد الحافظه والمصنعه بالاغذيه

في البدايه اهو كان كاتب ان هالرجيم صعب والواحد يحس فيه بالجوع والصداع والتعب الخ..لي اليوم رابع الحمدالله ما حسيت بشي من هالاعراض الا الصداع والحمدالله اختفى من ثاني ليوم مع هالرجيم بس بديت احس من امس من الملل وولهت على الخبز… رح امشي عليه اسبوع بس وان شاء الله بعد العيد امشي عليه لمده اسبوعين مره ثانيه

my workout

انا قاعده اروح النادي والعب تقريبا من ساعه الى ساعتين تمارين كارديو (( مشي والدراجه وجهاز الكروس ماشين وتمارين الاكواروبيك )) من الاسبوع الياي ببتدي ادخل الاثقال ان شاء الله عشان اقوي عضلاتي

بسم الله نبتدي ..

my meals

اكثر صعوبه واجهتني اني لازم انطر 5 ساعات بين كل وجبه .. امس للاسف اخذت من بنك بيري فروزن يوغرت وماكنت فخوره بالتخربط بس عوضتها اني ما تعشيت

اليوم الاول : السبت 29-10-2011

تطبيقي للبارفيه .. عباره عن بلوبيري وفوقه عسل وطبقه لبنه خاليه الدسم وفوقهم عسل و لوز ني وحب قرع يم يم يم

غداي :

كوب جريش منهنه مع ربيان وروب خالي الدسم وسلطه

عشاي :

كنت طالعه من النادي ومريت جيان اخذت هالاشياء

لبن عيران

بوملي

فتوش امريكانا من غير الخبز

والحمدالله على النعمه  

اليوم الثاني : الاحد 30-10-2011

موزه

غداي :

بطاط مشوي مع تونه لذيذ … مجرد تونه وبصل وملح وفلفل اسود وسماق خلطتهم مع بطاطه مشويه وعبيته مره ثانيه داخل البطاط واكلت معاها اوراق جرجير مشويه واكلت معاها جرجير
3 تمرات

 العشا :

بيضتين عيون معاهم ملح وفلفل اسود (( اي قمت اكل بيض للاسف لووول )) ومعاهم شرايح بطاط وكوسه يم يم وعلبه لبن خالي الدسم

اليوم الثالث :الاثنين  31-10-2011

بهاليوم للاسف صار لنا حادث مروري مزدوج فكان النظام معفوس

موزه ولبن خالي الدسم و 3 حبات اراصيا منقوع بنص كوب ماي

الغدا او العشا لاني اكلته متاخر

كوب عيش مشخول ومرقه باميه (( اكلت ثلث الكميه )) وسلطه خضار

اليوم الرابع : الثلاثاء 1-11-2011

الريوق

ريوق كان بيض شكشوكه بقفشه صغيره زيت زيتون ومعاه قفشه كبيره لبنه وخس ايسبرغ وشاي اعشاب
عيش وسمج مشوي جدر مع خضار  … حاولت لما اسويها اقلل الزيت اقل شي ممكن وتشوفون العيش ناشف والسمجه مو مقرمشه بس النتيجه لذييييييذه والروب ما اكلتها خليتها للعشا

العشا :

نفس العيش اكلته مع روب خالي الدسم يم يم

اليوم الخامس : الاربعاء 2-11-2011

حلو شكل التاريخ ههه… للاسف هذا اليوم اللي خربطت فيه

ريوقي

موزه

غداي :

تبوله وسالمون وكوسا وعيش مشخول … ما حبيت السلمون مادري ليش فضفت العيش وخلطته معاه عشان اضيع طعمه

بره النظام :

حجم صغير مكس كوكنت وباشن فروت من بنك بيري ومعاه بلوبيري واناناس وغرانولا

اليوم ان شاء الله صايمه ورح انزل فطوري بعدين

 

شعار اليوم 

ربي اني لما أنزلت الي من خير فقير

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s