فريش دايت .. اليوم الاول

قياسي

اليوم لي ثاني معاهم والاكل لذييييييييييييييييييييذ ما جنه اكل رجيم بالمره … اذا استمر اكلهم بهالمنوال رح يكون عندي التوب من ناحيه الطعم مقارنه بلوفات ودايت كير … ومرح اقيمهم عدل الا بعد الميزان ان شاء الله بعد اسبوع

ميزتهم ان الاصناف وايد  وموزعه على طول اليوم فمافي مجال التخربط او الاكل بره البوكس  .. والميزه الاهم الاكل فرش ومبين من طعمه

للاسف امس ما مارست الرياضه  لان ما كان عندي وقت بس مو مشكله اعوضها اليوم ان شاء الله 

اليوم الاول# السبت : 24-12-2011

بسم الله نبتدي … اللهم بارك لنا في ماكلنا ومشربنا 

وصلني الصندوق على ال9 وهذي كل وجباتي اللي فيه

وهذول معاهم

وهذا المنيو :

ريوقي :

فطاير لبنه بالطحين الاسمر + حليب خالي الدسم …. الفطاير نتفه صغار كلش والحشو شويه بس العجينه نفسها لذيذه وخنينه لان فيها اعشاب

السناك الاول:

بان كيك مع السيرب العادي… وايد لذيذ وترف بس السيرب شويه

 الغدا :

اسمها سلطه الشيف المجنون.. عباره عن خضار مع براعم وفلفل ملون وايد حبيتها والدريسنغ اللي معاها اخضر وسبايسي شوي و نتفه يبيله يزيدونه …بس وايد حلوه عجبتني
اسمها سكامبي الربيان … عباره عن باستا بصلصه بيضه  معاها ربيان عنونو صغار… هذي اكبر بورشن وصلني والصلصه دسمممممه كلش وما جنها بصوب الرجيم كلش

الحلو :

كيوي .. المفروض يكون مع الريوق بس اكلته مع الحلو
مهلبيه .. زينه وشكرها قليل …مو واو

العشا :

شوربه الخضار والكسكس… ماصخه ما حبيتها ومااكلتها
ساندويشات خس محشيه خضار مشويه .. وحده فيها جبن والثانيه مافيها مادري ليش هههه… زوينه وخفيفه

ترا الساندويشات نتفه شوفو شكبر حجمها 

اخيرا وليس اخرا .. سلطه الحلوم .. وايد لذيذه حبيتها المفروض يكون معاها باذنجان بس قلت لهم يشيلونه لاني ما احبه

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s