فريش دايت .. اليوم الثاني

قياسي

قررت اني التزم بالبوكس وما اضيع ولا سناك ولا وجبه عشان ما اعطي حق روحي فرصه اليوع والتخربط وهم عشان اعرف بالضبط شكثر يحتاج جسمي … انا رح اكتب اسامي الوجبات مثل ما توصلني بالورقه ورايي فيها 

*الرياضه :

لاني باجازة فأول ما قعدت من النوم رحت مشيت نص ساعه تقريبا

اليوم الثاني# الاحد : 25-12-2011

اول ما قعدت شربت ماي واكلت الفواكه

فواكه مشكله باسياخ 

منعشه وكل الفواكه حلوة

ريوقي :

كلوب ساندويش

 الساندويشه نفسها زينه بس متروووووووسه بروتين ..فيها لحم ومرتديلا اهم مسوينها وبيض ودياي وجبن انا شلت نص اللي فيها وبعدين كان فيها دياي وانا طالبه كل اكلي ما يكون فيه دياي بالمره … يعني الساندويشه تصلح حق عشان اكثر منها ريوق … واخذت معاها حليب خالي الدسم سخنته وضفت له دارسين

السناك :

مافن الشوكولاته مع قطع الشوكولت

اخذتها مع قهوه امريكيه يم  يم يم … وايد وايد لذيذه وترفه

الغدا :

سلطه الجرجير والمشروم الطازج

وايد حلوة

سمك مع صلصه البروفنسال

عباره عن سمج وصلصه طماط وعيش زعفران وطعمها زينه مو واو …بطلب منهم مره ثانيه اي عيش يوصلني يكون اسمر لانه افيد

الحلو :

تارت الحامض

عباره عن تارت وداخله كسترد ليمون ومن فوقه مثل رغوه فيها جوز هند …ورايي حلو من غير اللي فوقه

العشا :

شوربه الزفاف الايطالي

عباره عن شوربه لحم وخضار وباستا … مافيها زود

سلطه اللحم

فيها لحم مفروم صغار وشي ني ماعرفت شنو  وجزر وبقدونس ومعاها صلصه حاره… استغفر الله كلش ما عجبتني ولا افكر اعيدها 

ساندويش الخس -حلوم مشوي

مادري شالحسبه امس يايبين لي 2 واليوم وحده واصغر هههه بس لذيذه  محشيه حلوم وطماط مجفف وصلصه لذيذه

*شعار اليوم:

اذا كان الكلام من فضه فالسكوت من ذهب 

2 responses »

  1. ما شالله نظام حلوو كتير وفيه اكل منوع
    حلو انهم بركزوا على البروتين والنشويات بكل وجبة
    وعلى فكرة البروتين ضروري كتير لما تخسري عضل ولحتى تنزلي وزن اسرع, يعني فيكي تستغني عن الخبز بس البروتين لا تقلليه بالوجبة قد ما تقدري.

    الرياضة الصباحية قبل الفطور رائعة, والسبب انه جسمك بكون استهلك مخزون الجلوكوز والجلايكوجين اثناء النوم فهيك اي رياضة بتعمليها قبل الفطور بتحرق دهن فورا, وبتضمني نزول وزن اسرع:))

    بالتوفيق….

    • ونستيني شكرا شكرا دام السالفه جذي بحاول استمر بالرياضه الصباحيه🙂

      ومشكوووووره على هالمعلومات القيمه جدا جدا جدا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s