فريش دايت .. اليوم الخامس

قياسي

 اليوم وانا شاده حيلي قاعده من الصبح وفتحت برنامج mi عشان يحسب لي المسافه والوقت وفجاه ينطفي الجهاز من غير مقدمات فما قدرت احسب الوقت ولا المسافه كل اللي ادري اني مشيت فوق الكيلوين بس بالضبط جم مادري .. بعد ما الغاليه دانه عطتني معلومه مفيده عن فائده المشي من الصبح على معده خاليه قريت معلومه ولقيت اكو رايين بهالشي الراي الاول يقول انها تحرق الدهون بالاضافه الى العضل … وعشان نقلل الخساره بالعضلات يقترحون شرب مخفوق البروتين قبل الرياضه وبعد الرياضه كربوهيدرات وحليب او روب والراي الثاني  من بلوق فهد تقول ان ماكو فرق بين الاكل قبل وبعد الرياضه وحط دراسه بهالشي بموقعه والكل اللي يتابعني يدري انه مثلي الاعلى بما يخص الرياضه (( غورو )) فأكيد رح اخذ رايه وبخلي الفاكهه قبل الرياضه  .. المعلومه الثانيه اللي قريتها من فهد ان توزيع المشي على مرحلتين وبينهم 6 ساعات افضل من مرحله وحده ( يعني اذا بمشي ساعه اخليها نص ساعه مرتين باليوم بشرط 6 ساعات فرق بينهم ) 

الحين للوجبات  … مثل كل يوم رح اكتب اسامي الوجبات مثل ما توصلني بالورقه ورايي فيها

*الرياضه :

أول ما قعدت من النوم مشيت فوق 2 كيلومتر بس مادري بالضبط بالمسافه … تقريبا نص او ثلث ساعه وبعد صلاة المغرب مشيت ثلث ساعه تقريبا

اليوم الخامس# الاربعاء : 28-12-2011

السناك :

اكيوي ..كلته اول ما خلصت من الرياضه ومن باجر ان شاء الله ببتدي اكله قبل المشي 

الريوق :

اومليت جبن لذييييذ وايد حبيته رح اكرره ان شاء الله انا ضفت عليه بس بهار ( فلفل اسود واريغانو وبابريكا ) ومعاه مثل ما تشوفون خبز اسمر بالاعشاب ينن ترف ولذيذ وطماط وخيار وشربت معاه حليب خالي الدسم بالدارسين وفلفل احمر عشان يرفع الحرق بالجسم… الريوق عجبني جدا وان شاء الله بكرره بالمستقبل

السناك :

مجربته من قبل لذيذ وترف 

الغدا :

سلطه سيزر وايد لذيذه عجبتني وناويه اكررها ان شاء الله  

لحم وصلصه مشروم وبطاط مهروس… هم لذيذه واختيار موفق

الحلو :

شكلها حلو كنت بشربها مع القهوة بس ما صار لها وقت

العشا :

مجربتها من قبل عباره عن سبانخ وساليري وجزر وباستا وكور لحم

حطولي الخبز بروح مثل ما طلبت ومجربتها من قبل زينه وحامضه  

مجربتها من قبل واستانست اني طلبتها اكثر من مره … لذييييذه

*شعار اليوم:

إن الله لايغير ما بقوم حتى يغيروا ما بأنفسهم

6 responses »

  1. أحس نظامك وايد يعتمد ع الخضار
    لكن بنفس الوقت مافيه حرمان
    أو اهمال لنوع غذائي
    حلو.. استمري
    وانا متابعتك ع طول🙂
    وبالتوفيق دوم يارب

  2. صح نسيت اقول اني حبيت فكرة تقسيم وقت الرياضة
    يمكن ماتكون عدنا ساعة كاملة للرياضة
    لكن ممكن يكون عدنا نصف ساعة الصبح
    ونصف الساعة الثاني العصر او الليل
    فكرة حلوة

  3. صارلي اكمن يوم ما عم بفضى ادخل النت
    دخلت وقرات كل شي عملتيه
    اول مشي مبارك عليكي النزووول فرحانتلك كتير والله
    ان شالله يارب قريبا بتبشرينا بالسبعينات:)

    تقسيم وقت الرياضة فكرة جدا رائعة وقراتها باكتر من مكان ونصحوا فيها وانها افيد للجسم ولخسارة الوزن.

    بالنسبة للرياضة قبل الاكل
    انا جربتها على جسمي وشفت خسارتي كانت بالمقاسات اكتر من خسارة الوزن كرقم على الميزان
    لانه كنت معها العب تمارين القوة وابني عضل بنفس الوقت

    انت شوفي شو الي بريحك وشو الي بيفرق معك بالوزن وبالتوووفيق ان شالله يارب

    • حبيبتي مشكووووره🙂
      تبين الصج انا جربت الاثنين بوقت الاجازة والحين مع الدوام ما عندي وقت كلش امشي بس بحاول على قد ما اقدر امشي بعد الدوام ساعه باذن الله

  4. تنبيه: يومياتي مع فريش دايت « Me on diet's Blog

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s