فريش دايت .. يومياتي 7-10

قياسي

في البدايه كل عام وانتو بخير وبصحه وسلامه ويعلها سنه يديده مليئه بالانجازات والفرح علينا وعليكم وعلى كل المسلمين …صراحه للحين بوناستي مالت نزول الوزن وربي يتمم علي  اشوف السبعينات قبل لا ينتهي الشهر.. في شي ضيق خلقي بالبوكس وهو البقول الله يشهد شكثر ادق واحن على اهميه ان الاكل يكون خالي من البقول ودايما اشوف بوجباتي سواء السلطات او الشوربات وشكثر انبهم وماكو فايده خاصه اني بمراجعتي معاهم اكدت عليها ووعدتني خير ولا اشوف بوجبات ثاني يوم بقول بالسلطه تنرفزت لاني مالي خلق اقعد وانبش بالاكل قبل لا اكله … التغير اللي بتشوفونه بالمنيو اني لغيت الشوربه وحطيت بدالها روب…  رح اكتب اسامي الوجبات مثل ما توصلني بالورقه ورايي فيها اذا بتعرفون اسم الوجبه حركو الماوس فوق الصوره

*الرياضه :

ولا شي للاسف😦 .. يوم الجمعه ما مسيت بناء على طلبها اني ما امارس الرياضه قبل الموعد وباجي الايام ريولي كانت تعورني وماقدر امشي

اليوم السابع# الجمعه : 30-12-2011


المنيو

الريوق :

السادويشه نفسها لذيذه ومجربتها من قبل وشربت معاها حليب حار بالهيل والزعفران

السناك:

زين بس مو واو

الغدا :

السلطه حلوة وتعجبني جدا بس المشكله بالبقول

الطعم حلو بس للاسف كان زفر فاضطريت اشيل الايدام واكل العيش خالي مع الصلصه .. كلمتهم عن هالشي وقالو العيش الاسمر اذا ما تبرد على طول يطلع ريحه جذي

الحلو:

عباره عن بسكوت محشي خلطه تفاح وكاكاو … لذيذه طعمها جنه ابل باي

العشا :

مممم عاديه مو ذاك الزود

حلوة جدا وطبعا شلت الفاصوليا لاني ما اكلها .. فيها ذره وساليري وخس وخبز محمص

حلوة ومجربتها من قبل كل الخضار اللي فيها مشويه

السناك الاخير :

يهبل جدا منعش

يوم الثامن# الاحد : 1-1-2012

المنيو

الريوق :

زينه طعمها يغلب عليه فطيره الجبن .. شربت معاها حليب ساخن

السناك:

حلو

الغدا:

يم يم لذيذه الدريسنغ مالها عجيب وخاصه لما المشروم الفرش يتشربها

وايد وايد لذيييييذه فيها اعشاب حلوة

الحلو :

ممم ما عجبني بزود

العشا :

انا طالبتها من غير دياي … لذيييييييييييذه جدا جدا مقرمشه وفرش بنفس الوقت اللي ضيق خلقي انها متروسه بزاليا فاضطريت انقيها وحده وحده

المكتوب على الورقه انها جبن بس لما ذقتها كانت كفته مع فلفل اخضر… وايد لذيييذه وجوسي تهبل حبيتها وتمنيت ان الخس 3 قطع  مو 2 … خلتني احط الكفته براسي حق طبق الغدا بيوم من الايام

بدال الشوربه طلبت روب .. وروبتهم مثل روبه البيت ثقيله وحامضه تينننننن شويه عليها وايد حبيتها لدرجه اني دقيت اطلب حجم اكبر

السناك الاخير:

نتفه بس زين بارد ومنعش

اليوم التاسع # الاثنين :2-1-2012

المنيو

الريوق:

وايد حلوة وهشه ..حبيتها

اخذت الروب الصبح بدال العشا مع الحليب فطاير السبانخ

السناك :

هش ولذيذ كالعاده بس مصغرينها صاير نتفه

الفواكه :

احبه

الغدا:

مجربتها من قبل ونفس سلطه البيت مافيها زود

وايد وايد لذيذه الصلصه تهبل والباستا متشربتها عدل بس نكهه الربيان مو مبينه

الحلو :

حلوة حق تشيز كيك رجيم .. حبيت الكرست خالطينه مع لوز وصاير مقرمش وحلو

العشا :

حامض وذايب مثل ما احبه بس هم ماصخ

مجربتها من قبل واحبها الصلصه مع التيركي لذيذه

اليوم العاشر # الثلاثاء :3-1-2012

المنيو


الريوق :

لذييييييييذه فيها جرجير وخيار وطماط مشوي وجبن فيتا بصمونهم العجيب

السناك :

بطبعي ماحب التفاح الاخضر الا مطبوخ او عليه ملح  ولاني ما قادر اكله بالحالتين فخليته للبيت

عباره عن رول محشي زيتون اخضر ومرتديلا وجبن كان لذيذ مع القهوه

الغدا :

احلى سلطه سيزر رجيم  احبها

زين .. طعمه بالضبط نفس طبقهم الستيك بصلصه المشروم هذا بس الصلصه وايد واللحم مقطع وصايره الصلصه اكثر منه

الحلو:

طعمه حلو مع مشروب دافي

العشا:

احبه جدا

وصج رائعه حبيتها جدا بكررها ان شاء الله

وكانو ناسين باجي عشاي الا وهو ساندويشات الخس

 

*شعار اليوم:

DO IT… DO IT RIGHT… DO IT RIGHT NOW

4 responses »

  1. نظام كتير حلووو ومنوع
    احسن شي انك مريحة راسك من قصة التفكير باالاكل والطبخ اليومي🙂

    وان شالله بتبشرينا بالسبعينات قريبا انا متاكدة, بس داومي على الرياضة لو عشرين دقيقة يوميا احسن من بلاش.

    استغربت انك ما بتحبي البقول, انا بدور عليها دوارة لاضيفها باكلي حتى اكسب مصدر بروتين زيادة خصوصا ازا كنت قرفانة من اللحم والدجاج.

    بالتوووفيق:)

    • مشكوره حبيبتي والله يسمع منج يا رب ويعطيج ما تتمنين

      البقول ما اقدر اكلها ﻻني اعاني من حاله مرضيه اسمها انيميا الفول وكل انواع البقول ومشتقاتها ممنوعه ﻻنها تكسر الدم بجسمي

      قاعده احاول ادخل الرياضه على قد ما اقدر وان شاء الله خير

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s