Category Archives: nice tips

افكار للريوق من غير حرمان

قياسي

البان كيك او الوافلز من انواع الريوق المحببه وتطلعنا من نمط الرجيم  وخياراتي بتكون ببعض المنتجات المثلجه كونها توفر الوقت خصوصا بايام العمل … الفكره نفسها ممكن تسونها بالبيت اذا ما تحبون الاكل مثلج وتوزعونه بحصص فرديه وتثلجونه وحزه الاكل حطوه بالتوستر او المايكرويف

كل الريوق اللي بحطه الحين 300 سعره او اقل حسب نوع السيرب المستخدم او الاضافات

نحسب حساب ان هالاكل عاده عالي  بالسعرات فعشان ننعم بالاكل لازم نقلل الكميات عشان جذي انا مستخدمه الحجم الميني .. اولا الكميه تحسنني اني ماكله وايد .. ثانيه اقدر اضاعف الكميه اذا ما شبعت او اذا غداي او عشاي بيكون خفيف … ثالثا الشكل حلو ومعروف العين تشبع

اول ماركه : aunt jemima

منتجاتهم متوفره بمركز سلطان وهالحجم  الحصه فيه 10 حبات وسعراتها 240  ( انا افضل استخدم 5 حبات مع ميبل سيرب او اي سيرب لايت ) او سكر ستيفيا مع بيض او تيركي بيكون  وفواكه

با كيك

الماركه الثانيه : kellogg’s eggo mini waffles

واكو منه نوعين اما بالنكهه الاعتياديه او بالقرفه ( الدارسين  ) .. حجم الحصه بالعلبه 12 حبه صغيره او 3 مربعات وسعراتها 260  ( افضل استخدم 5 او 6 حبات ) مع فواكه او سكر بودر او مع جبن تشيدر او ايدام لذيذه ومشبعه

وافلز

كتب تستحق القراءه : المشي

قياسي

الكتب تحتوي على معلومات عامه عن رياضه المشي وفوائدها   اعلى معدل للنبض للمارسه وكيفيه حساب السعرات الحراريه المفقوده عند ممارسه المشي… التمارين  تمارس قبل وبعد رياضه المشي للتاكد من سلامه العضلات مع بعض الجداول  للممارسه المشي سهله وعمليه للمرحله المبتداه والمتوسطه والمتقدمه

مثل هالجدول

نبتدي باول كتاب

نبذه عن مؤلف الكتب

الكتاب الثاني يحتوي على نفس  المعلومات  بطريقه مفصله اكثر

نبذه عن مؤلفين الكتاب

الكتب متوفره بالمجان للاستعاره بالمكتبات العامه

فيتامين دي

قياسي

بالرغم من ان الكويت ودول الخليج تعتبر من المناطق الحارة وتتعرض الى الشمس بشكل يومي صيف وشتاء الى ان نسبة النساء اللي تعاني من نقص فيتامين دي جدا كبيره

هالشي غريب يمكن لاننا دول اسلاميه ولله الحمد فاللبس يكون مغطي اغلب الجسم فمجال التعرض لاشعه الشمس قليل بالاضافه الى مستوى المعيشه والرفاهيه اللي تخلينا دائما باماكن مسكره سواء بالبيت او السياره او المول الخ والشي الاخير في نوعيه الاكل اللي ناكله

المشكله نقص فيتامين دي يسبب خطر على العظام والاعصاب والامراض المناعية وهالشي خطير وما ينسكت عنه  بالرغم من ان طرق الحصول عليه سهله ومتوفره للجميع .. منها :

  • الشمس موجوده مجانا وهي المصدر الرئيسي والاول لانتاج هالفيتامين… ساعات الصباح المبكر افضل وقت واخر ساعات النهار قبيل الغروب

  • بالاضافه الى وجود حبوب بالصيدليات توخد كمكمل غذائي والانواع كبيره وعديده وما تحتاج وصفه طبيه

  • واخيرا بالاكل مع ملاحظه ان فيتامين دي يحتاج وسط دهني ليتم امتصاصه عدل بالجسم … مثال على الاكل الغني بالفيتامين الحليب والروب والجبن والبيض والسلمون والتونا والسردين و البقول

اعتقد كل هالاشياء متوفره للكل  وما يمنع انا نركز عليها عشان نتمتع بصحه افضل .. الدراسات لاحظت ان النساء اللي تخسر وزن بسرعه وتحافظ عليه نسبه هالفيتامين عندها عاليه وهذا بروحه دافع عشان نصحح مستوى هالفيتامينات باجسامنا قبل لا نبتدي باي رجيم… بالنهايه اتمنى للجميع الصحه والسلامه

7 اطعمه تكافح السمنة

قياسي

قريت مقاله حلوة وحبيت اشاركم فيها… انا ترجمتها بتصرف مني وحطيتها … اللينك الاصلي بتشوفونه بنهايه البوست

قراءه ممتعه ومفيده

بسم الله نبتدي

 

  • البيض

البيضه فيها 78 سعره.. البروتين اللي فيها رح يخلينا يكبح  الشهيه ببقيه اليوم   مما يوفر علينا حتى 330 سعره حرارايه

نصيحه اضافيه .. مسحو المقلاه بالزيت عشان تحصلون النتيجه المقرمشه للبيض من غير الدهون

  • الدارك تشوكليت

الدراسات اثبتت ان اللي يتناول مقدار من الككاو بحجم ورق الجنجفه او اللعب او الكوتشينه شهيته تقل بالوحبه اللي بعدها لان فيها الانزيم اللي يحسس بالشبع بالاضافه الى انه يكبح النزوات الى الاكل الدسم والمالح والحلو

  • الصنوبر

84 حبه فيها 95 سعره حراريه ..تتغلب على اللوز من ناحيه الدهون الجيده اللي تعطينا الاحساس بالشبع لفتره طويله  بالاضافه الى انها تقاوم السمنه في منطقه الخصر  

  • الجبن

جبن الماعز او الفيتا فيه حمض يساعد على محاربه الدهون بالجسم ويقاوم الجوع

  • حليب خالي الدسم

الكوب فيه 86 سعره حراريه ..فيه نفس الحمض الموجود بالجبن بالاضافه الى انه غني بالبروتين اللي يعطينا الاحساس بالشبع

  • البرتقال

الحبه فيها 60 سعره حراريه .. يعتبر من الفواكه المفيده بسبب انه يعتبر من افضل الفواكه بمقياس “مؤشر الشبع ” وكفايه انه غني بالالياف  والمعروف انها تحارب الدهون بالجسم

  • البطاط

الحبه فيها 161 سعره حراريه … من الخضار اللي ” مؤشر الشبع ” فيها عالي بحيث انها تشبع 3 اضعاف احسن من شريحه الخبز الابيض .. بالاضافه الى فيه ماده تقاوم النشا مما يخليها تقاوم السمنه

المصدر :

http://www.health.com/health/gallery/0,,20352009,00.html

جوله تسوقيه

قياسي

هالجوله كنت مسويتها من زمان بايام متفرقه

شريتهم  من فيرجن باخر ايامه قبل لا يسكر .. للحين جربت بس واحد اللي باقصى اليمين وزين حق اللي يحب يمشي داخل البيت 🙂

طلبته اونلاين من امازون  وما حبيته وايد … يتعب ولازم تكونون تعرفون الحركات بس مفكره ارد عليه لما تتحسن لياقتي

عزكم الله شريته من جم شهر من محلهم بالافنيوز .. وما شاء الله مريح بالمشي

هذول اخذتهم من مركز سلطان ويهبلووووون …  نحطهم بالفريزر قبل الاستخدام ويحتفظون بالبروده مالت الاكل فتره طويله  وحجمهم مناسب حق جنطه الاكل مالتي

شكل الدهون الزائده بالجسم

قياسي

يمكن هالصوره تقلب الجبد بس حلو معرفه شكل الدهون المخزنه بالجسم عشان تكون لنا رادع عند تناول الحلويات والمقالي والاشياء المشبعه بالدهون .. وهم مفيده عشان ما نشعر بالحزن اذا معدل النزول كان قليل …الصوره الاولى تقريبا حجمها يساوي كيلوين وربع
لمعرفه نسبه الدهون بالجسم اكو مواقع وايد تحسب هالشي  منها هالموقع

http://www.bmi-calculator.net/body-fat-calculator

او

http://www.healthstatus.com/calculate/body-fat-percentage-calculator

او

http://www.healthcentral.com/cholesterol/home-body-fat-test-2774-143.html

وبناء على النتيجه رح تعرفون نسبه الدهون

البدائل الغذائيه لاغلب الاطعمه

قياسي

هالكتاب مفيد جدا ويعطينا خبارات لبعض الاطعمه اللي ناكلها يوميا وشنو الخيار اللي يكون مساوي له من نفس المجموعه

الخيارات جدا متنوعه وما تترك حيره سواء كنا بنظام دايت او نظام صحي او حتى نظام عادي

لان الكتاب عندي ما قصرو عياده التغذيه بالصباح عطوني منه وقررت اصوره لكم للفائده

are you really craving this ?

قياسي
If you crave this… What you really need is… And here are healthy foods that have it:
Chocolate Magnesium Raw nuts and seeds, legumes, fruits
Sweets Chromium Broccoli, grapes, cheese, dried beans, calves liver, chicken
Carbon Fresh fruits
Phosphorus Chicken, beef, liver, poultry, fish, eggs, dairy, nuts, legumes, grains
Sulfur Cranberries, horseradish, cruciferous vegetables, kale, cabbage
Tryptophan Cheese, liver, lamb, raisins, sweet potato, spinach
Bread, toast Nitrogen High protein foods: fish, meat, nuts, beans
Oily snacks, fatty foods Calcium Mustard and turnip greens, broccoli, kale, legumes, cheese, sesame
Coffee or tea Phosphorous Chicken, beef, liver, poultry, fish, eggs, dairy, nuts, legumes
Sulfur Egg yolks, red peppers, muscle protein, garlic, onion, cruciferous vegetables
NaCl (salt) Sea salt, apple cider vinegar (on salad)
Iron Meat, fish and poultry, seaweed, greens, black cherries
Alcohol, recreational drugs Protein Meat, poultry, seafood, dairy, nuts
Avenin Granola, oatmeal
Calcium Mustard and turnip greens, broccoli, kale, legumes, cheese, sesame
Glutamine Supplement glutamine powder for withdrawal, raw cabbage juice
Potassium Sun-dried black olives, potato peel broth, seaweed, bitter greens
Chewing ice Iron Meat, fish, poultry, seaweed, greens, black cherries
Burned food Carbon Fresh fruits
Soda and other carbonated drinks Calcium Mustard and turnip greens, broccoli, kale, legumes, cheese, sesame
Salty foods Chloride Raw goat milk, fish, unrefined sea salt
Acid foods Magnesium Raw nuts and seeds, legumes, fruits
Preference for liquids rather than solids Water Flavor water with lemon or lime. You need 8 to 10 glasses per day.
Preference for solids rather than liquids Water You have been so dehydrated for so long that you have lost your thirst. Flavor water with lemon or lime. You need 8 to 10 glasses per day.
Cool drinks Manganese Walnuts, almonds, pecans, pineapple, blueberries
Pre-menstrual cravings Zinc Red meats (especially organ meats), seafood, leafy vegetables, root vegetables
General overeating Silicon Nuts, seeds; avoid refined starches
Tryptophan Cheese, liver, lamb, raisins, sweet potato, spinach
Tyrosine Vitamin C supplements or orange, green, red fruits and vegetables
Lack of appetite Vitamin B1 Nuts, seeds, beans, liver and other organ meats
Vitamin B3 Tuna, halibut, beef, chicken, turkey, pork, seeds and legumes
Manganese Walnuts, almonds, pecans, pineapple, blueberries
Chloride Raw goat milk, unrefined sea salt
Tobacco Silicon Nuts, seeds; avoid refined starches
Tyrosine Vitamin C supplements or orange, green and red fruits and vegetables

new amazing site : sparkpeople

قياسي

من الاشياء الحلوة بوجهه نظري بمسيرتي الرجيميه اني اشوف التشجيع والمسانده

هالشي يعطيني طاقه ايجابيه وايد عاليه ويشجعني اني ما اخربط برجيمي

زميلتي يالغاليه “كوكو” عطيتني سايت ينن وايد وايد حلو

من تسجلون فيه وتعبون بياناتكم تلقون جدول اكل يومي مقترح وتلقون جدول حق التمارين بالفيديوات واللينك متروس تجارب اعضاء  واشياء تحفيزيه

وعندهم شي وايد كيوت …بطاقه صغيره تطبعونها وتوقعون عليها انكم تلتزمون بنظام حياه صحي عشان يساعدكم على تحقيق اهدافكم

من صباح الله خير وانا احوس  فيه وحدي متمتعه فيه

http://www.sparkpeople.com

كوكو مشكووووووووره وايد وايد وايد :*****