i missed blogging

قياسي

طافت السنين بحلوها ومرها … صارت لي تغيرات كليه مو حابه اتكلم عنها حاليا وﻻ اكتب عنها…. اكثر شي ولهت عليه الفضفضه اللي كنت اكتبها هني

image

راجعة لكم ان شاء الله بيوميات يديده وتدوينات مفيده

رجيم التمر

قياسي

باذن الله رح امشي على هالرجيم لمده 3 ايام   .. عباره عن 21 حبه تمر موزعه طول اليوم مع اللبن بس بسويه بطريقتي بالاضافه الى الماي والاعشاب والزهورات

الرجيم عباره 21 حبه تمر موزعه طول اليوم

– الصبح : 7 حبات الصبح مع كوب حليب قليل او خالي الدسم

– سناك : كوب شاي اخضر

– الغدا : 7 حبات تمر + علبه روب قليل او خالي الدسم

– سناك 2 : قهوه عربيه او قهوة امريكيه

– العشا : 7 حبات تمر + كوب لبن قليل او خالي الدسم

واذا ما شبعت رح اضيف طبق سلطه خضرا عليهم .. او  بحدود ربع كوب مكسرات نيه

وزني اليوم : 84.3

والنتيجه ان شاء الله انولها يوم الاحد 🙂

جولة تسوقيه

قياسي
وجبات دايت من جمعيه المنصورية
وجبات دايت من جمعيه المنصورية

الحلو بجمعيه المنصوريه انهم حاطين كذا شركه دايت يم بعض وعندهم تنويع حلو مثل دايت كير  و لوفات وهيلث كومباني … اشتريت منهم حق اسبوع كامل واخذت فكره عن الاكل الموجود وهم نوعت بعيد عن الملل

حبيت التجربه ونويت اكررها ان شاء الله

مجلات تستحق القراءة
مجلات تستحق القراءة
مجلات تستحق القراءة 2
مجلات تستحق القراءة 2

هالمجلات جدا حلوة مو بس هالرجيم بس للبنات عموما .. متنوعه من ناحيه الطبخ الصحي ومواضيع الرياضيه والتجميل والاسترخاء وما الى ذلك

تحصولنهم بمركز سلطان و لولوماركت

زنجبيل مجفف بالسكر
زنجبيل مجفف بالسكر

وايد حلو ومدخن .. حلو مع الشاي والحليب الحار او حتى مع المكسرات..لا تكثرون لان فيه سكر

تحصلونه كامل بلولوماركت او مقطع مع فواكه ثانيه من المطحنه الدولية

ميزان يديد لقياس نسبه الدهون والماء بالجسم
ميزان يديد لقياس نسبه الدهون والماء بالجسم

ME back again ;)

قياسي

كنت بالفتره اللي طافت بين مد وجزر

للاسف مو راضيه رضا كلي عن ادائي بس باذن الله هالشي بيتحسن خاصه اني قدرت انظم يومي ووجباتي وحركتي اكثر

عقب سالفتي الاخيره تعقدت من شركات التغذيه وبحال قدر الامكان ان الاكل يكون منزلي وبنزل يومياتي ان شاء الله مثل قبل … واذا ما قدرت التزم شهر كامل بشوف لي خطه ثانيه

الله يسهل

وزني اليوم بميزاني اليديد ..84.9

يخرع بس ان شاء الله مع خطتي اليديده انزلهم

Created by MyFitnessPal – Nutrition Facts For Foods

خلاصه التجربه مع فرش دايت

قياسي

لاني مسئوله عن كل اللي اكتبه بتجاربي .. احس بضرورة ذكر اخر حدث  تم معاي مع هالشركه

طحت على معلومات او سوالف  ما حبيتها كلش ادت الى خلاف و ترتب على اثره الغائي للاشتراك مع هالشركه

الله يسامحهم والحمدالله اني طلعت منهم ومرح افكر ابدا اعيد اشتراكي معاهم مره ثانيه