Tag Archives: عشبة الاسبغول

جولة تسوقية

قياسي
عشبة المعجزه
الاسبغول او عشبة المعجزه .. تكلمت عن تجربتي معاها وهالمره اشتريت الاكياس الفرديه كل كيس لاستخدام مره وحده وعملي للدوام او للسفر
ارض الطبيعة
مكعبات خضار عضويه من غير الاجيناموتو المتواجد بماجي وكنور سعره بحدود دينار متواجد ببعض الجمعيات ومحلات ارض الطبيعه
سوبر فود
شوفان فوري بالنكهات والمكونات كلها طبيبيعه ومن غير مواد حافظه وسكر و صويا … الخ ( فقط اضافه ماي او حليب بحجم الاستكانه ويخلط ويؤكل والقفشه موجوده دتخل العلبه ) وسعره 1750 متوافر ببعض الجمعيات او عن طريق خدمه التوصيل
مركز سلطان
من مركز سلطان .. كنت جابه اجرب فواكه فاخذت اكي دنيا و تين شوكي ( حبيت الاول بس الثاني مو وايد ) .. تمر مجدول ( بين التمر الخضري والسكري ) … من دايت سنتر برازق قليله السعرات ( الحبه اقل من 100 سعره حراريه) … جبن ايدام صغير الحبه فيها تقريبا 100 سعره حراريه… شاي اخضر البلوبري خالي من الكفايين … روب يوناني قليل الدسم مع اضافات تكون معزوله بحافظه عشان تحافظ على قرمشتها
Advertisements

تجربتي مع عشبة المعجزة ( الاسبغول )

قياسي

الاسبغول عباره عن الياف تيي بشكل علب … تحصلونهم بالجمعيات اما تحت اسم الاسبغول  ( مع منتجات عسل العويد ) او عشبه المعجزة ( من منتجات معجزة الشفاء )

اللي استخدمتها وبكتب عنها تجربتي اهي عشبة المعجزة


العلبه تلقون فيها الالياف ومعاها ورقه بفوايد العشبة مثل المكتوب بهاللينك :

http://www.mujeza.net/productFibrear.aspx?pid=3&id=9&Root=no

اخذت عشبه المعجزة فوق شهر تقريبا بس انتظمت عليها لمده اسبوعين 3 مرات باليوم قبل كل وجبه … العلبه تقعد تقريبا اسبوع اذا اخذتوها قبل الثلاث وجبات

طريقه استخدماتها بسيط

2 م ك من الالياف نخلطها بنص كوب ماي  او عصير او روب واول ما تختلط نشربها قبل الوجبة بعشر دقايق

وشغلها انها  تقوم هذه العشبة بإمتصاص ماء المعدة والأمعاء ومعه الكربوهيدرات والمخلفات الفائضة فتتخذ شكلا مخاطيا تعمل كواقيا ملطفا لجدار المعدة والأمعاء مع محافظته على دورها في عمليات هضم الطعام بخلاف مادة البارافين السائل الشائعة لدى الجمهور التي تعيق اِمتصاص الفيتامينات والمعادن الأساسية لحجبها الفتيامينات ومنعها جدار المعدة الداخلي من امتصاص هذه المواد. وحالها حال اي الياف ثانيه فانها تسحب 7% من الدهون اللي تنوكل معاها بالوجبة

اما ملاحظاتي بتجربتي معاها خلال هالفتره  :

* المميزات :

  • بتلاحظون لما تخلطونها بالماي انها تكبر وتنتفش .. فلانها تنتفش بالمعده قمت اشبع لمن اكل كميات قليله من الاكل

  • مع الاستمرار بالاستخدام قمت احس باحساس مريح وخفت علي الحموضه او الحارج بشكل ملاحظ جدا

  • مثل ما ذكر لانها تنشط حركه القولون والامعاء فمفيده بحالات الامساك

* عيوبها :

  • عمليه بلعه في البدايه صعبه ومع انه ماله طعم مميز بس قثيث شوي ولازم تشربونه على طول اذا نطرتو شوي يصير جنه جلي وكلش ما ينبلع