today’s mood

مود اليوم

never quitting

اخر مره دخلت المدونه كانت اكثر من 4 سنوات

المدونه عبارة عن يوميات وفضفضه ريجيمه في عالم الحياة الصحيه بيني وبين عزيزتي الغاليه رنيم  اللي اتمنى انها تكون باحسن صحه وعافيه ( رنيم حبيبتي مادري اذا بتشوفين البوست ولا لاء بس اشتقت لج و مشكوووووره وايد على كل شي قدمتيه ولج مني الف بوسه )

اكتشفت شي خلال هالفتره ان العبره مو الوصول الى رقم بالميزان… المواصله للمحافظه عليه واختيار الخيارات الصحيه مع المداومه مع الحركه والرياضه اهي اللي تاخذ الجزء الاكبر وتحتاج جهد اكثر

كنت معتقده اني بمجرد ما اوصل للوزن المثالي رح تنتهي المسيره وبالنهايه اكتشفت انها شي يومي بحياتي وما ينفع اتخلص منه ولا رح ارد لنفس المشكله

الصداع لتنظيم الجدول اليومي

الصراع بين الحياه الاجتماعيه والحياه الصحيه

نبد الكسل والحركه وايجاد روتين للرياضه

مقاومه الحلويات والسعرات الحراريه الخاويه

كلها صراعات يوميه مره تغلبني ومره اغلبها

 

للحين ما اقدر اقول اني اعيش عيشه صحيه 100% ولا اقدر اقول اني راضيه رضا كامل عن وزني

بس بالنهايه هذي حياتي وهذي مسيرتي وباذن الله بوصل فيه للي يرضيني

Yes it is

افكار للريوق من غير حرمان

البان كيك او الوافلز من انواع الريوق المحببه وتطلعنا من نمط الرجيم  وخياراتي بتكون ببعض المنتجات المثلجه كونها توفر الوقت خصوصا بايام العمل … الفكره نفسها ممكن تسونها بالبيت اذا ما تحبون الاكل مثلج وتوزعونه بحصص فرديه وتثلجونه وحزه الاكل حطوه بالتوستر او المايكرويف

كل الريوق اللي بحطه الحين 300 سعره او اقل حسب نوع السيرب المستخدم او الاضافات

نحسب حساب ان هالاكل عاده عالي  بالسعرات فعشان ننعم بالاكل لازم نقلل الكميات عشان جذي انا مستخدمه الحجم الميني .. اولا الكميه تحسنني اني ماكله وايد .. ثانيه اقدر اضاعف الكميه اذا ما شبعت او اذا غداي او عشاي بيكون خفيف … ثالثا الشكل حلو ومعروف العين تشبع

اول ماركه : aunt jemima

منتجاتهم متوفره بمركز سلطان وهالحجم  الحصه فيه 10 حبات وسعراتها 240  ( انا افضل استخدم 5 حبات مع ميبل سيرب او اي سيرب لايت ) او سكر ستيفيا مع بيض او تيركي بيكون  وفواكه

الماركه الثانيه : kellogg’s eggo mini waffles

واكو منه نوعين اما بالنكهه الاعتياديه او بالقرفه ( الدارسين  ) .. حجم الحصه بالعلبه 12 حبه صغيره او 3 مربعات وسعراتها 260  ( افضل استخدم 5 او 6 حبات ) مع فواكه او سكر بودر او مع جبن تشيدر او ايدام لذيذه ومشبعه

جولة تسوقية

الاسبغول او عشبة المعجزه .. تكلمت عن تجربتي معاها وهالمره اشتريت الاكياس الفرديه كل كيس لاستخدام مره وحده وعملي للدوام او للسفر

مكعبات خضار عضويه من غير الاجيناموتو المتواجد بماجي وكنور سعره بحدود دينار متواجد ببعض الجمعيات ومحلات ارض الطبيعه

شوفان فوري بالنكهات والمكونات كلها طبيبيعه ومن غير مواد حافظه وسكر و صويا … الخ ( فقط اضافه ماي او حليب بحجم الاستكانه ويخلط ويؤكل والقفشه موجوده دتخل العلبه ) وسعره 1750 متوافر ببعض الجمعيات او عن طريق خدمه التوصيل

من مركز سلطان .. كنت جابه اجرب فواكه فاخذت اكي دنيا و تين شوكي ( حبيت الاول بس الثاني مو وايد ) .. تمر مجدول ( بين التمر الخضري والسكري ) … من دايت سنتر برازق قليله السعرات ( الحبه اقل من 100 سعره حراريه) … جبن ايدام صغير الحبه فيها تقريبا 100 سعره حراريه… شاي اخضر البلوبري خالي من الكفايين … روب يوناني قليل الدسم مع اضافات تكون معزوله بحافظه عشان تحافظ على قرمشتها

pic of the day

مخبز التين والزيتون

هالخبز وايد عجبني اولا لانه مخبوز من القمح الكامل

ثانيا الخميره اللي فيه خميره طبيعيه بالتالي فتره التخمير الطويله تكسر الجلوتين بالقمح وما تسبب باحساس عدم ارتياح بالمعده

ثالثا وهو الاهم طعمها حلو ومشبع

الفكره اللي تقوم عليها هالمخبز ( وهو مخبز منزلي يعتمد على مبدا التوصيل ) ان كل يوم الاسبوع مخصص ل 3 انواع خبز معينه .. الخبزه صحيه وفيها حوالي 170 كالوري حسب الاضافات المستخدمه

انا جربت كذا نوع وما حسيت بفرق يذكر بالطعم …سعره 3 حبات خبز بدينار واذا كان ساده 4 حبات بدينار

اقل كميه للطلب 5 دنانير والتوصيل ياخذ من دينار الى دينارين حسب المنطقه …رقمهم 25323417

موقعهم بانستقرام : figsoliveskw

4th of march … again

مرت سنه على قرار يعتبر من اعتس القرارات اللي اتخذتها بحياتي

4-3-2013

i wish you never existed

today’s mood